Tuesday, July 27, 2021

పాలు అమ్ముకునే వ్యక్తితో వెళ్లిపోయిన ప్రియురాలు..వచ్చాక ప్రియుడికి షాక్.. చివరికి..

Must Read

ఒకరినొకరు ప్రేమించుకున్న జంట ఇంటి నుంచి పారిపోయారు. తీరా తిరిగొచ్చాక ప్రియురాలు ఊహించని షాకిచ్చింది. ప్రియుడు తనకొద్దని చెప్పి ఆమె తల్లిదండ్రులతో వెళ్లిపోవడంతో ఊహించని విషాదం చోటుచేసుకుంది. యువకుడు అనుమానాస్పద స్థితిలో మృతి చెందడం చర్చనీయాంశమైంది. ప్రేయసి వదిలి వెళ్లిందన్న మనస్థాపంతో ఆత్మహత్య చేసుకున్నాడా? లేక మరేదైనా జరిగి ఉంటుందా? అనే అనుమానాలు వ్యక్తమవుతున్నాయి.

ఈ విషాద ఘటన అనంతపురం జిల్లాలో జరిగింది. పోలీసులు తెలిపిన వివరాల మేరకు..వజ్రకరూరు మండలం కమలపాడు తండాకి చెందిన అచ్చునాయక్‌కి ముగ్గురు కుమారులు. పెద్దకొడుకు వినోద్ నాయక్(23) పాల వ్యాపారం చేస్తూ కుటుంబానికి చేదోడువాదోడుగా ఉండేవాడు. యువతితో ప్రేమలో పడిన వినోద్ ఆమెను తీసుకుని కొద్దిరోజుల కిందట వెళ్లిపోయాడు. సుమారు వారం రోజుల కిందట తిరిగి గ్రామానికి వచ్చారు. వ్యవహారం పోలీస్ స్టేషన్‌కి చేరింది. అప్పటి వరకూ తనతో ఉంటానని చెప్పిన ప్రియురాలు పోలీసుల ముందు షాకిచ్చింది.

పోలీసులు కౌన్సిలింగ్‌లో తన తల్లిదండ్రులతోనే ఉంటానని చెప్పి ప్రియురాలు వెళ్లిపోవడంతో వినోద్ నాయక్ తీవ్ర మనస్థాపానికి గురయ్యాడు. నాలుగు రోజుల కిందట ఎవరికీ చెప్పకుండా ఇంట్లో నుంచి వెళ్లిపోయాడు. మూడు రోజుల అనంతరం గుంతకల్లు సమీపంలోని దోనిముక్కల వద్ద శవమై కనిపించాడు. యువకుడి మృతదేహాన్ని గుర్తించిన స్థానికులు పోలీసులకు సమాచారం అందించడంతో స్పాట్‌కి చేరుకున్నారు.మృతుడిని వినోద్ నాయక్‌గా గుర్తించారు. మృతదేహం కుళ్లిన స్థితిలో కనిపించడంతో మూడు రోజుల కిందటే చనిపోయి ఉండొచ్చని భావిస్తున్నారు. ప్రేమ వ్యవహారం నేపథ్యంలో అనూహ్యంగా శవమై కనిపించడంతో అనుమానాస్పద మరణంగా కేసు నమోదు చేసి పోలీసులు దర్యాప్తు చేపట్టారు.

Latest News

బ్యాంకులకు 200 కోట్లు మోసం చేసిన వ్యక్తి అరెస్ట్

దేశవ్యాప్తంగా బ్యాంకులకు 200 కోట్లు టోకరా వేసిన ఒరిస్సాకు చెందిన నిందితుడు అరెస్ట్ అయ్యాడు. మైక్రో ఫైనాన్స్‌ పేరుతో వివిధ బ్యాంకులు, నాన్‌ బ్యాంకింగ్‌ ఫైనాన్స్‌...

More Articles Like This