కరోనా వైరస్ కలకలం వీడియో రిలీజ్ చేసిన సుమ

్రస్తుతం తెలంగాణలో కరోనా వైరస్ కలకలం రేపుతోంది. ముఖ్యంగా హైదరాబాద్ ప్రజలు కాస్త భయాందోళనకు గురవుతున్నారు. హైదరాబాద్‌లో తొలి కరోనా వైరస్ కేసు నమోదుకావడంతో తెలంగాణ ప్రభుత్వం కూడా అప్రమత్తమైంది. ప్రజలు ఈ వైరస్ బారిన పడకుండా ఉండటానికి పలు జాగ్రత్తలు, సూచనలు చేస్తోంది. ప్రజలు భయాందోళన చెందాల్సిన అవసరం లేదని, తగు జాగ్రత్తలు పాటిస్తే ఈ మహమ్మారి నుంచి తప్పించుకోవచ్చని చెబుతోంది. కేవలం ప్రభుత్వమే కాకుండా సెలబ్రిటీలు సైతం ప్రజలకు జాగ్రత్తులు చెబుతున్నారు. తాజాగా యాంకర్ సుమ కరోనా వైరస్ గురించి మాట్లాడారు. కరోనా వైరస్ గురించి భయపాడాల్సిన అవసరం లేదన్నారు. వైరస్ సోకకుండా ఉండటానికి తీసుకోవాల్సిన జాగ్రత్తలను ఆమె వివరించారు. అలాగే ఆ వైరస్ సోకినప్పుడు మనకు కనిపించే లక్షణాలను కూడా చెప్పారు. ఈ మేరకు ఇన్‌స్టాగ్రామ్‌లో ఒక వీడియోను పోస్ట్ చేశారు. మనం మరుగున పడేసిన మన సంస్కృతి, సంప్రదాయ పద్ధతులను మళ్లీ కచ్చితంగా పాటిస్తే ఈ వైరస్ సోకకుండా ఉండే అవకాశం ఉందని చెప్పారు.

ఈ క్రింది వీడియో చూడండి

‘‘ఈ వైరస్‌కు ఉన్న లక్షణాలు ముక్కుకారడం, తుమ్ములు, జ్వరం, గొంతునొప్పి, చాతిలో నొప్పి, చలి, గుండె వేగంగా కొట్టుకోవడం, రెండు మూడు రోజుల తర్వాత పొడిదగ్గు, స్వల్పంగా ఆయాసం, జీర్ణకోశ సమస్యలు, విరోచనాలు. ఇవి ఉంటే కచ్చితంగా వైరస్ సోకిందని కాదు. ఒక వేళ ఈ లక్షణాలు ఉంటే వెళ్లి డాక్టర్‌ను సంప్రదించండి. భయపడాల్సింది ఏమీ లేదు’’ అని సుమ వీడియోలో వెల్లడించారు.మన భారతీయ సంస్కృతి విధానంను పాటిస్తే ఎలాంటి వైరస్ మన దగ్గరకు రాదని సుమ అన్నారు. ‘‘మన భారతీయ సంస్కృతి విధానంలో ముందు నుంచే మనం ఎంచక్కా ఎవరైనా కనిపిస్తే నమస్కారం పెడతాం. బయటి నుంచి ఇంటికి వస్తే కాళ్లు చేతులు, మొహం కడుక్కుంటాం. వంటల్లో పసుపు వాడతాం. అన్నీ చక్కగా ఉడకబెడతాం. ఇవన్నీ మళ్లీ ఫాలో అవ్వడం మొదలుపెడదాం. కుదిరితే ఫేస్ మాస్క్ కూడా పెట్టుకోండి. దీని గురించి భయపడాల్సింది ఏమీ లేదు, కంగారు పడాల్సిందిలేదు. కొంచెం శుభ్రత పాటించడం అంతే’’ అని వీడియోలో సుమ చెప్పుకొచ్చారు.

ఈ క్రింది వీడియో చూడండి

Content above bottom navigation