తెలంగాణ బడ్జెట్ 2020…

118

తెలంగాణ వార్షిక బడ్జెట్‌ ను రాష్ట్ర ఆర్థిక మంత్రి హరీశ్‌రావు శాసనసభలో, రహదారులు భవనాలశాఖ మంత్రి ప్రశాంత్‌రెడ్డి శాసనమండలిలో ప్రవేశపెట్టారు. ఈ సందర్భంగా స్పీకర్‌ పోచారం శ్రీనివాస్‌రెడ్డి, మండలి ఛైర్మన్‌ గుత్తా సుఖేందర్‌రెడ్డిని కలిసి బడ్జెట్‌ ప్రతులను అందజేసిన మంత్రులు.. సభలో బడ్జెట్ ప్రవేశపెట్టడానికి వారి అనుమతి తీసుకున్నారు. ఈ కార్యక్రమంలో మంత్రులు హరీశ్‌రావు, ప్రశాంత్‌రెడ్డి, ఆర్థికశాఖ ఉన్నతాధికారులు పాల్గొన్నారు. బడ్జెట్‌కు రాష్ట్ర మంత్రివర్గం శనివారం ఆమోదం తెలిపింది. ముఖ్యమంత్రి కేసీఆర్ అధ్యక్షతన సమావేశమైన క్యాబినెట్.. 2020-21 ఆర్థిక సంవత్సరానికి సంబంధించి రూపొందించిన బడ్జెట్‌పై చర్చించి ఆమోదించింది. ఆర్థిక మంత్రి హోదాలో హరీశ్ రావు తొలిసారి శాసనసభలో బడ్జెట్ ప్రవేశపెట్టారు. బడ్జెట్‌ అంటే సామాజిక విలువల స్వరూపమని ఆయన ప్రసంగం ప్రారంభించారు. భారత ఆర్థికవృద్ధిరేటు ఏడాది నుంచి తగ్గుతూ వస్తోందన్నారు. రాష్ట్రాలకు వచ్చే గ్రాంట్‌లలో కోత పడిందన్నారు. కేంద్రం నుంచి ఐజీఎస్టీ, జీఎస్టీ పరిహారం సకాలంలో రావడం లేదన్నారు. కాగా 2020-21 తెలంగాణ బడ్జెట్ కేటాయింపుల లెక్కలు ఎలా ఉన్నాయో ఇప్పుడు చూద్దాం.

  • రైతు బంధు పథకానికి రూ.14,000 కోట్లు, రైతు బీమాకు రూ.1,140 కోట్లు, రైతు రుణమాఫీకి రూ.2,230 కోట్లు కేటాయింపులు. సాగునీటి పారుదల రంగానికి రూ.11,054 కోట్లు, రైతు వేదికల నిర్మాణానికి రూ.350 కోట్లు కేటాయించారు.
  • పాడి పరిశ్రమను మరింత అభివృద్ది చేయడానికి పాడి రైతులకు అందించే ప్రోత్సహకాలను పెంచనున్నట్టు తెలిపింది. ఈ ప్రోత్సహాకాల కోసం రూ.100 కోట్ల బడ్జెట్‌లో కేటాయించింది.
  • పోలీస్ కమాండ్ కంట్రోల్ రూమ్ నిర్మాణం కోసం రూ.550 కోట్లు, దేవాలయాాల అభివృద్ధి కోసం రూ.500 కోట్లు, అర్చక సంక్షేమానికి కోసం రూ.50 కోట్లు, రహదారుల నిర్మాణం-నిర్వహణ కోసం 750 కోట్లు కేటాయింపు. 15 వ ఆర్ధిక సంఘం మధ్యంతర నివేదిక ప్రకారం తెలంగాణకు కేంద్రం నుంచి వచ్చే పన్నుల వాటా 2.437 శాతం నుంచి 2.133 శాతానికి తగ్గింది. దీని వల్ల రాష్ట్రానికి రావాల్సిన ఆదాయం రూ.2.384 కోట్లు కేటాయించింది.
  • సొంత ఆదాయాలపై పూర్తి ధీమాతో రాష్ట్ర ప్రభుత్వం వచ్చే ఆర్థిక సంవత్సరానికి భారీ బడ్జెట్‌ను ప్రతిపాదిస్తోంది. ప్రాధాన్య పథకాలు, ఎన్నికల హామీలు, అభివృద్ధి లక్ష్యాలు, ఉద్యోగుల వేతనాలు, నిర్వహణ వ్యయాన్ని దృష్టిలో పెట్టుకొని ప్రస్తుత బడ్జెట్‌ కంటే 15-16 శాతం పెంచి తీసుకురావాలని నిర్ణయించింది. రూ.1.56 లక్షల కోట్ల నుంచి రూ.1.59 లక్షల కోట్ల మధ్య బడ్జెట్‌ను ప్రతిపాదిస్తున్నట్లు తెలిసింది.
  • మున్సిపల్ శాఖకు రూ.14,809 కోట్లు, ఫీజు రీయింబర్స‌మెంట్‌కు రూ.2,650 కోట్ల కేటాయింపులు. ఎస్టీ డెవలప్‌మెంట్ కోసం రూ.9,771 కోట్ల కేటాయించారు.
  • హైదరాబాద్‌లో అభివృద్ధికి, మూసీ నది ప్రక్షాళనకు మొత్తం రూ.10,000 కోట్లు కేటాయింపులు. నగరంలో మౌలిక సదుపాాయాల కల్పనకు ఈ నిధులు ఖర్చుచేయనున్నారు. నిరక్షరాస్య నిర్మూలనకు రూ.100 కోట్లు కేటాయించిన ప్రభుత్వం. కొత్తగా 234 బస్తీ దావఖానాలు ఏర్పాటుకు ప్రతిపాదన చేశారు.
  • 50 ఏళ్లుదాటిన వారికి వృద్ధాప్యపు పెన్షన్లు అందజేయనున్నట్టు మంత్రి ప్రకటన.తెలంగాణ ప్రభుత్వం ప్రతిష్ఠాత్మకంగా చేపట్టిన హరిత హారం కార్యక్రమానికి రూ.790 కోట్లు కేటాయింపులు. విద్యుత్ రంగానికి రూ.10,416 కోట్ల కేటాయించారు.
  • మైనార్టీల సంక్షేమానికి రూ.1,415 కోట్లు, విద్యుత్ రంగానికి రూ.10,816 కోట్లు, ఆర్ అండ్ బీ శాఖకు రూ.3,494 కోట్లు , గృహ నిర్మాణ రంగానికి రూ.11,917 కోట్లు, ఎమ్మెల్యేలు, ఎమ్మెల్సీల సంక్షేమానికి రూ.480 కోట్లు, మహిళలకు వడ్డీలేని రుణాల కోసం రూ.1,200 కోట్ల కేటాయింపులు.
  • వైద్య రంగానికి రూ.6,186 కోట్లు, పోలీస్ శాఖకు రూ.5,582 కోట్లు, పంచాయితీ రాజ్ శాఖకు రూ.23,500 కోట్లు, పారిశ్రామిక రంగానికి రూ.1,998 కోట్ల కేటాయించారు.
  • పాఠశాల విద్యకు రూ.10,421 కోట్లు, ఉన్నత విద్యకు రూ.1,723 కోట్లు ,ఎస్సీల ప్రత్యేక డెవలప్‌మెంట్ కోసం రూ.16,435 కోట్లు, షెడ్యూళ్ల కులాల కోసం రూ.4,530 కోట్ల కేటాయించారు.
  • పెన్షన్ల కోసం రూ.11,750 కోట్లు, ఎంబీసీలకు రూ.500 కోట్లు, మత్స్యకారుల సంక్షేమానికి రూ.1,586 కోట్లు, షాదీ ముబారక్, కళ్యాణ లక్ష్మీ పథకాలకు రూ.350 కోట్ల కేటాయించారు.
  • తెలంగాణ బడ్జెట్‌ను స్పీకర్ అనుమతితో మంత్రి హరీశ్ రావు సభలో ప్రవేశపెడుతున్నారు. వచ్చే ఆర్ధిక సంవత్సరానికి రూ.1,82,942.42 కోట్లుగా ప్రతిపాదించారు. ఇందులో రెవెన్యూ వ్యయం రూ.1,38,669.92 కోట్లు, పెట్టుబడి వ్యయం రూ.22,061 కోట్లు, రెవెన్యూ మిగులు రూ.4,482 కోట్లుగా పేర్కొన్నారు.
Image result for తెలంగాణ బడ్జెట్ 2020…
  • ఆర్ధిక లోటు రూ. 33,192 కోట్లు ఉంటుందని, గతేడాది లోటు శాతం 16 నుంచి 6 శాతానికి తగ్గిందని తెలిపారు. రాష్ట్రానికి కేంద్రం నుంచి వచ్చే జీఎస్‌డీపీ 12.6 శాతానికి తగ్గిందన్నారు.
  • ఈసారి బడ్జెట్‌లో డబుల్‌ బెడ్‌ రూం ఇళ్లు, సాగునీటి రంగానికి అధిక ప్రాధాన్యత ఇచ్చినట్టు అవకాశమున్నట్లు తెలుస్తోంది. రాష్ట్రంలో డబుల్‌ బెడ్‌ రూం ఇళ్ల నిర్మాణంపై ప్రతిపక్షాలు చేస్తున్న విమర్శలకు తాళం వేసేందుకు బడ్జెట్‌లో నిధులు పెంచాలని, ఆ మేరకు ఇళ్లు కట్టి చూపించాలని ప్రభుత్వం యోచిస్తున్నట్లు సమాచారం. ఇంటి స్థలం ఉన్న వారికి ఇల్లు కట్టుకునేందుకు రూ.6 లక్షలు ఇవ్వాలన్న హామీకి కూడా నిధులు కేటాయించాలని చూస్తున్నారు.
Content above bottom navigation