ప్రతి ఇంటికెళ్లి రూ. 1,000 ఇవ్వాల్సిందే.. సీఎం జగన్ కీలక ఆదేశాలు

కరోనా వైరస్ (కోవిడ్‌ –19) వల్ల ఇబ్బందులు పడుతున్న నిరుపేద కుటుంబాలకు శనివారం (ఏప్రిల్ 4) రూ.1,000 ఆర్థిక సహాయాన్ని గ్రామ, వార్డు వలంటీర్ల ద్వారా డోర్‌ డెలివరీ సమర్థంగా జరిగేలా చూడాలని ఉన్నతాధికారులను ముఖ్యమంత్రి వైఎస్ జగన్మోహన్‌రెడ్డి ఆదేశించారు. కోవిడ్‌ –19 విస్తరణ, నివారణా చర్యలపై సీఎం జగన్‌ సమీక్షించారు. ఈ సమీక్షకు మంత్రులు ఆళ్ల నాని, మోపిదేవి వెంకటరమణ, బొత్స సత్యనారాయణ, సీఎస్‌ నీలం సాహ్ని, డీజీపీ గౌతం సవాంగ్, వైద్య ఆరోగ్యశాఖ స్పెషల్‌ చీఫ్‌ సెక్రటరీ జవహర్‌ రెడ్డి, ఇతర ఉన్నతాధికారులు హాజరయ్యారు. ఈ సందర్భంగా ఢిల్లీలోని తబ్లీగీ జమాతే సదస్సులో పాల్గొన్నవారు, వారితో కాంటాక్ట్‌ అయిన వారికి చేసిన వైద్య పరీక్షలపై సీఎంకు వివరాలు అందించారు.

కుర్రకారుకి వేడి పుట్టిస్తున్న స్టార్ బ్యూటీ వాణి కపూర్

ఢిల్లీలో జమాత్‌కు రాష్ట్రం నుంచి 946 మంది హాజరైనట్లు గుర్తించామని అధికారులు వెల్లడించారు. వీరిలో 881 మందికి ఇప్పటికే పరీక్షలు పూర్తయ్యి ఫలితాలు వచ్చాయని, వీరిలో 108 మంది పాజిటివ్‌గా కేసులుగా నిర్ధారణ అయ్యారని వెల్లడించారు. ఇంకా 65 మందికి సంబంధించిన ఫలితాలు రావాలల్సి ఉందన్నారు. అలాగే 946 మందితో కాంటాక్ట్‌ అయినవారిలో 616 మంది పరీక్షలు నిర్వహించగా ఇందులో 32 మంది పాజిటివ్‌ కేసులుగా నిర్ధారణ అయ్యాయని తెలిపారు. అలాగే వీరితో కాంటాక్ట్‌ అయిన మరో 335 మంది ల్యాబ్‌ ఫలితాలు వెల్లడి కావాల్సి ఉందన్నారు. రాష్ట్రంలోని మొత్తం 161 పాజిటివ్‌ కేసుల్లో 140 మంది ఢిల్లీ జమాతే సదస్సుకు వెళ్లినవారు, వారిలో కాంటాక్ట్‌ అయినవారేనని అధికారులు వివరించారు.

అలాగే రాష్ట్రంలో ఇంటింటికీ నిర్వహించిన సర్వేపై సీఎం జగన్‌ ఆరా తీశారు. రాష్ట్రంలోని 1.45 కోట్ల ఇళ్లకు గానూ 1.28 కోట్ల ఇళ్లలో సర్వే పూర్తయ్యిందని అధికారులు తెలిపారు. రాష్ట్రంలో ప్రస్తుతం ఉన్న ల్యాబ్‌లు, వాటిని సామర్థ్యంపై ముఖ్యమంత్రి సమీక్షించారు. అలాగే క్యాంపుల్లో ఉంటున్న వారిపై సీఎం ఆరా తీశారు. ప్రభుత్వం నడుపుతున్న శిబిరాలు, వివిధ కంపెనీలు, మిల్లుల్లో పనిచేస్తూ అక్కడ స్థానిక శిబిరాల్లో ఉన్నవారు, అలాగే వివిధ క్వారీల్లో, గనుల్లో పనిచేసుకుంటూ అక్కడే ఉన్నవారు సుమారుగా 78 వేల మంది ఉన్నారని అధికారులు వెల్లడించారు. రాష్ట్ర ప్రభుత్వమే 236 క్యాంపులు నడుపుతూ 16 వేల మందికి స్వయంగా వసతి, భోజన సదుపాయాలు కల్పిస్తోందని అధికారులు వివరించారు. మిగిలిన 62 వేల మందికి వివిధ కంపెనీ యాజమాన్యాల ద్వారా, స్వచ్ఛంద సంస్థల ద్వారా, ఇతరత్రా మార్గాల్లో భోజనం అందుతోందని తెలిపారు.

Content above bottom navigation