AP లో ఎన్నికల వాయిదా పై సుప్రీమ్ కోర్టు సంచలన నిర్ణయం షాక్ లో జగన్ ప్రభుత్వం

ఏపీలో స్ధానిక సంస్ధ‌ల ఎన్నిక‌లు ఆరువారాలు ర‌ద్దు అయిన విష‌యంలో, ఏపీ ప్ర‌భుత్వం సుప్రీం కోర్టు వ‌ర‌కూ వెళ్లింది.
నేడు పిటిష‌న్ విచారించిన సుప్రీంకోర్టు, తాజాగా ఏపీ స‌ర్కారుకి షాక్ ఇచ్చింది.. ఈ తీర్పుతో జగన్ సర్కార్‌కు ఎదురు దెబ్బ తగిలింది. ఏపీ స్థానిక సంస్థల ఎన్నికలు వాయిదా వేస్తూ ఏపీఎస్‌ఈసీ తీసుకున్న నిర్ణయాన్ని సమర్థించింది సుప్రీం కోర్టు.

సుప్రీం కోర్టు ప్రధాన న్యాయమూర్తి జస్టిస్‌ ఎస్‌ఏ బోబ్డే, జస్టిస్‌ బీఆర్‌ గవాయి, జస్టిస్‌ సూర్యకాంత్‌లతో కూడిన ధర్మాసనం.. స్థానిక సంస్థల ఎన్నికలపై ఏపీ ప్రభుత్వం దాఖలు చేసిన పిటిషన్‌పై విచారణ జరిపింది. స్థానిక సంస్థల ఎన్నికల వాయిదాను కొనసాగించాలని సూచించింది. ఎన్నికలు ఎప్పుడు నిర్ణయించాలనేది ఎన్నికల సంఘం తుది నిర్ణయం తీసుకుంటుందని తేల్చి చెప్పింది. తదుపరి ఆదేశాలు వచ్చే వరకు ఎన్నిక కోడ్‌ ఎత్తివేయాలని.. ఒకవేళ కొత్త ప్రాజెక్టులు చేపట్టాలంటే ఎన్నికల సంఘం అనుమతి తీసుకోవాలని సూచన చేసింది.

పూర్తి వివరాల కోసం ఈ క్రింది వీడియో ని చూడండి..

ఏపీలో స్థానిక సంస్థల ఎన్నికల్ని ఆరు వారాలు వాయిదా వేస్తూ ఎన్నికల సంఘం నిర్ణయం తీసుకున్న సంగతి తెలిసిందే. ఈసీ తీసుకున్న నిర్ణయంపై ముఖ్యమంత్రి జగన్ అసంతృప్తిని వ్యక్తం చేశారు. వెంటనే గవర్నర్‌ను కలిసి ఫిర్యాదు చేశారు.. ఎన్నిక‌ల అధికారి రమేష్‌కుమార్ ఏకపక్షంగా నిర్ణయం తీసుకున్నారని మండిపడ్డారాయ‌న‌. ఈ నిర్ణయం తీసుకునే ముందు ప్రభుత్వాన్ని సంప్రదించలేన్నారు. దీనిపై సుప్రీంకోర్టును ఆశ్రయిస్తామని చెప్పారు. ఈ నిర్ణయాన్ని సవాల్ చేస్తూ ఏపీ ప్రభుత్వం సుప్రీంకోర్టులో పిటిషన్ దాఖలు చేయగా.. కోర్టు కూడా ఈసీ నిర్ణయాన్ని సమర్థించడంతో జగన్ సర్కార్‌కు ఎదురు దెబ్బ తగిలింది. మరి తీర్పుపై ప్రభుత్వం ఎలా స్పందిస్తుందన్ని ఆసక్తికరంగా మారింది.

సుప్రీం కోర్టులో పిటిషన్ దాఖలు చేయడం మాత్రమే కాదు.. ఏపీ సీఎస్ నీలం సాహ్ని రాష్ట్ర ఎన్నికల అధికారికి లేఖ రాశారు. తమను సంప్రదించే ఉంటే కరోనా పరిస్థితిపై సరైన సమాచారం ఇచ్చేవాళ్లమని లేఖలో ప్రస్తావించారు. స్థానికంగా ఎవరికీ కరోనా సోకలేదని.. రానున్న మూడు, నాలుగు వారాల్లో ఎటువంటి అత్యవసర పరిస్థితి ఉండదని అన్నారు. అనుకున్న సమయానికే ఎన్నికలు పూర్తి చేయాలని ఆ లేఖలో ప్రస్తావించారు. రాష్ట్రంలో స్థానిక ఎన్నికల నిర్వహణకు సిద్ధంగా ఉన్నామని.. ఎన్నికల నిర్వహణకు అవసరమైన సిబ్బంది శిక్షణ, బ్యాలెట్ బాక్సుల సేకరణ, ఓటర్ల జాబితా ముద్రణతో పాటు మిగతా కార్యక్రమాలు సైతం పూర్తి అయ్యాయని వివరించారు.

సీఎస్ రాసిన లేఖకు ఎస్‌ఈసీ కూాడా సమాధానం ఇచ్చారు. గతంలో ఆర్ధిక‌శాఖలో ఫైనాన్స్ వ్యవహారాలు చూశానని.. కరోనా వైరస్ ప్రభావంతో ఇప్పటికే మహారాష్ట్ర, పశ్చిమ బెంగాల్, ఒడిశా రాష్ట్రాల్లో స్థానిక సంస్థల ఎన్నికలు నిలిపివేశారని గుర్తు చేశారు. ఎన్నికలకు ఆర్థిక సంఘం నిధులకు లింక్ పెట్టొద్దని లేఖలో ప్రస్తావించారు. గతంలో ఇలాగే ఎన్నికలు నిలిపివేసినా కేంద్రం నుంచి నిధులు వచ్చిన సందర్భాలు ఉన్నాయని గుర్తు చేశారు. గోవాలో కూడా ఎన్నికలు వాయిదా వేయాలని చూస్తున్నారన్నారు రమేష్ కుమార్. కరోనా ఛాలెంజ్ ఎదుర్కుంటున్న ప్రస్తుత దశలో ఏపీ ఒంటరిగా లేదన్నారు….. WHO హెచ్చరికలను , ఆరోగ్య కుటుంబ సంక్షేమ మంత్రిత్వ శాఖతో మార్గదర్శకాలను పాటిస్తున్నామని తెలిపారు. దీంతో మ‌రో ఆరు వారాలు ఎన్నిక‌లు వాయిదా ప‌డిన‌ట్లు అయింది.

Content above bottom navigation