LIC జీవన్ తరుణ్ పాలసీ…

65

దేశీ దిగ్గజ బీమా కంపెనీ లైఫ్ ఇన్సూరెన్స్ కార్పొరేషన్ (ఎల్‌ఐసీ) ఎన్నో రకాల పాలసీలను అందిస్తోంది. మనీ బ్యాక్, టర్మ్, పెన్షన్, హెల్త్ ఇలా పలు ఇన్సూరెన్స్ ప్లాన్లను కస్టమర్లకు అందుబాటులో ఉంచింది. ఇప్పుడు మరొక స్కీమ్ ను తీసుకొచ్చింది. దీని పేరు LIC జీవన్ తరుణ్ పాలసీ. ఎల్‌ఐసీ అందిస్తున్న జీవన్ తరుణ్ ప్లాన్ అనేది మనీ బ్యాక్ ప్లాన్. పిల్లల చదువు, వారి భవిష్యత్ లక్ష్యంగా ఎల్‌ఐసీ ఈ పాలసీని తీసుకువచ్చింది. ఇది నాన్ లింక్డ్ ప్లాన్. ఎల్ఐసీ తనకు వచ్చే లాభాలలో కొంత భాగాన్ని ఈ పాలసీదారులకు కూడా అందిస్తుంది. అందుకే దీన్ని ప్రాఫిట్ ప్లాన్ అని కూడా భావించొచ్చు. అలాగే ఈ పాలసీ లిమిటెట్ ప్రీమియం పేమెంట్ ప్లాన్. పాలసీ పీరియడ్ కన్నా ఐదేళ్లు తక్కువ వరకు ప్రీమియం చెల్లించినా సరిపోతుంది. అలాగే కనీసం రూ.75,000 మొత్తానికి పాలసీ తీసుకోవలసి ఉంటుంది. గరిష్ట పరిమితి అంటూ ఏమీ లేదు. ఎల్‌ఐసీ జీవన్ తరుణ్ ప్లాన్ మెచ్యూరిటీ గడువు 25 ఏళ్లు.. కానీ మీరు 20 ఏళ్ల వరకు ప్రీమియం చెల్లిస్తే సరిపోతుంది. 20 ఏళ్ల తర్వాత పాలసీ మొత్తంలో కొంత భాగాన్ని వెనక్కి తీసుకోవచ్చు.

పాలసీ తీసుకున్న తర్వాత మరణిస్తే, పాలసీ కవరేజ్ వర్తింపుకు ముందు చెల్లించిన ప్రీమియం మొత్తాన్ని తిరిగి వెనక్కి ఇచ్చేస్తారు. ఒకవేళ పాలసీ రిస్క్ ప్రారంభమై ఉంటే అప్పుడు డెత్ బెనిఫిట్స్, ఇతర బోనస్‌ లను చెల్లిస్తారు. వార్షిక ప్రీమియానికి 10 రెట్లు ఎక్కువ మొత్తాన్ని పాలసీ తీసుకున్న కుటుంబ సభ్యులకు అందజేస్తారు. 8 ఏళ్లలోపు వారికి పాలసీ రిస్క్ పాలసీ తీసుకున్న 2 ఏళ్ల తర్వాత ప్రారంభమౌతుంది. అదే 8 ఏళ్లపైన వయసు ఉంటే పాలసీ రిస్క్ వెంటనే వర్తిస్తుంది.

Image result for LIC జీవన్ తరుణ్ పాలసీ…

పాలసీ మెచ్యూరిటీ తర్వాత డబ్బులు తీసుకోవడానికి కూడా కొన్ని ఆప్షన్లు ఉన్నాయి. పాలసీ మొత్తాన్ని ఒకేసారి తీసుకోవచ్చు. లేదంటే ఏడాదికి నాలుగు విడతలుగా కూడా పాలసీ మొత్తాన్ని పొందొచ్చు. నెల, మూడు నెలలు, ఆరు నెలలు, ఏడాది చొప్పున పాలసీ మొత్తాన్ని తీసుకోవచ్చు. ఇలా 5, 10, 15 ఏళ్ల చొప్పున పాలసీ మొత్తాన్ని పొందుతూ రావొచ్చు. మీరు మీ పిల్లల పేరుపై పాలసీ తీసుకోవచ్చు. మీ పిల్లలకు ఏడాది వయసులోనే పాలసీ తీసుకుంటే.. అప్పుడు పాలసీ టర్మ్ 24 ఏళ్లుగా ఉంటుంది. 19 ఏళ్ల పాటు ప్రీమియం కట్టాలి. రూ.10 లక్షల మొత్తానికి పాలసీ తీసుకుంటే, అప్పుడు మీ నెలవారీ ప్రీమియం రూ.3,832 అవుతుంది. అంటే రోజుకు రూ.130 చెల్లిస్తే సరిపోతుంది.ఇక్కడ మీరు ఎల్‌ఐసీ జీవన్ తరుణ్ పాలసీ తీసుకుంటే, చెల్లించే ప్రీమియం మొత్తం దాదాపు రూ.9 లక్షలకు లోపే ఉంటుంది. కానీ మీరు మెచ్యూరిటీ సమయంలో పొందే మొత్తం మాత్రం రూ.25 లక్షలకు పైనే ఉంటుంది. ఎల్‌ఐసీ జీవన్ తరుణ్ ప్లాన్‌ ను 12 ఏళ్లలోపు వయసు ఉన్న పిల్లల పేరుపై మాత్రమే తీసుకోగలం. ఎల్‌ఐసీ జీవన్ తరుణ్ ప్లాన్‌ పై రుణ సదుపాయం కూడా ఉంది. అయితే దీనికి కొన్ని షరతులు వర్తిస్తాయి.

పాలసీ తీసుకున్న తర్వాత కనీసం రెండేళ్లయినా ప్రీమియం చెల్లించి ఉండాలి. పాలసీ సరెండర్ వ్యాల్యూలో 90 శాతం వరకు మొత్తాన్ని రుణం రూపంలో పొందొచ్చు. రుణంపై వడ్డీ మొత్తాన్ని ఆరు నెలలకు ఒకసారి చెల్లించాల్సి ఉంటుంది. 30 రోజలు గ్రేస్ పీరియడ్ ఉంటుంది. అంటే నిర్ణీత గడువులోగా పాలసీ ప్రీమియం చెల్లించకపోతే నెల రోజుల టైమ్ ఉంటుంది. ఈ టైమ్‌ లోగా కూడా ప్రీమియం కట్టకపోతే అప్పుడు పాలసీ ల్యాప్స్ అయిపోతుంది. ప్రీమియం మొత్తాన్ని నెల, మూడు నెలలు, ఆరు నెలలు, ఏడాది చొప్పున కట్టేయవచ్చు. ఇకపోతే పాలసీ వద్దనుకుంటే తిరిగి వెనక్కి ఇవ్వొచ్చు. సరెండర్ వ్యాల్యూ లభిస్తుంది.

Content above bottom navigation