LIC తెచ్చిన సరికొత్త స్కీమ్ కేవలం రూ.100 కడితే చాలు ఏకంగా రూ.75,000 పొందవచ్చు పూర్తి వివరాలు మీ కోసం

58

దేశం ఎంత అభివృద్ది చెందుతున్నా నిరుపేద‌లు లేకుండా త‌యారుకావ‌డం లేదు. అలాంటి వారికి ఆస‌రాగా ఉండేందుకు కేంద్రం కొత్త కొత్త పథకాలను తీసుకొస్తుంది. అలాగే దేశీ దిగ్గజ బీమా కంపెనీ లైఫ్ ఇన్సూరెన్స్ కార్పొరేషన్ (ఎల్‌ఐసీ) కూడా ఎన్నో రకాల పాలసీలను అందిస్తోంది. మనీ బ్యాక్, టర్మ్, పెన్షన్, హెల్త్ ఇలా పలు ఇన్సూరెన్స్ ప్లాన్లను కస్టమర్లకు అందుబాటులో ఉంచింది. కేంద్ర ప్రభుత్వంతో కలిసి కొత్త కొత్త స్కీమ్స్ ను ఆవిష్కరిస్తుంది. ఆడ పిల్లలు, సీనియర్ సిటిజన్స్, ఆర్థికంగా వెనుకబడిన వారు లక్ష్యంగా పలు స్కీమ్స్‌ను ఆఫర్ చేస్తోంది. వీటిల్లో చేరడం వల్ల సామాజిక ఆర్థిక భద్రత పొందొచ్చు. కేంద్రం వీటితోపాటు ఇన్సూరెన్స్ స్కీమ్స్‌ కూడా అందిస్తోంది. భార‌త ప్ర‌భుత్వం తీసుకొచ్చిన ఆమ్ ఆద్మీ బీమా యోజ‌న‌ , జ‌న శ్రీ బీమా యోజ‌న లాంటి సామాజిక భ‌ద్ర‌తా ప‌థ‌కాల‌ను విలీనం చేసి “ఆమ్ ఆద్మీ బీమా యోజ‌న” అనే స్కీమ్‌ను అందుబాటులోకి తెచ్చింది. ఇది 2013 జనవరి 1 నుంచి ప్రజలకు అందుబాటులోకి వచ్చింది.

పూర్తి వివరాల కోసం ఈ క్రింది వీడియో ని చూడండి..

కేంద్ర ప్రభుత్వపు ఈ ఆమ్ ఆద్మీ బీమా యోజన అనే సామాజిక భద్రత స్కీమ్‌ను దేశీ దిగ్గజ బీమా కంపెనీ లైఫ్ ఇన్సూరెన్స్ కార్పొరేషన్ (ఎల్‌ఐసీ)ని అందిస్తోంది. అసంఘటిత రంగంలోని వర్కర్లు ఈ పాలసీలో చేరొచ్చు. ఈ ఇన్సూరెన్స్ స్కీమ్ ప్రయోజనాలు పొందాలంటే వయసు 18 నుంచి 59 ఏళ్లలోపు ఉండాలి. దారిద్ర్య రేఖకు దిగువున ఉన్న వారికే ఇది వర్తిస్తుంది. కుటుంబ పెద్ద లేదా ఫ్యామిలీలో సంపాదించే వ్యక్తి ఈ స్కీమ్‌లో చేరొచ్చు. ఆమ్ ఆద్మీ బీమా యోజన పథకంలో చేరాలంటే తొలిగా రూ.200 కట్టాలి. 30,000ల కవరేజ్‌కు ఇది వర్తిస్తుంది. మీరు చెల్లించిన రూ.200 మొత్తంలో 50 శాతం కేంద్ర ప్రభుత్వపు సామాజిక భద్రత ఫండ్‌ నుంచి సబ్సిడీ లభిస్తుంది. అంటే మీరు రూ.100 చెల్లిస్తే సరిపోతుంది. అదే మీరు గ్రామీణ ప్రాంతంలో నివసించే భూమిలేని కుటుంబం కిందకు వస్తే.. అప్పుడు మీరు చెల్లించే 50 శాతం మొత్తాన్ని కూడా రాష్ట్ర ప్రభుత్వం భరిస్తుంది. అదే మీరు వృత్తి సమూహాలకు చెందిన వారైతే నోడల్ ఏజెన్సీ్/రాష్ట్ర ప్రభుత్వం 50 శాతం మొత్తాన్ని చెల్లిస్తుంది. లేదంటే కొన్ని సందర్భాల్లో మీరే చెల్లించాల్సి రావొచ్చు.

ఈ స్కీమ్‌లో చేరాలంటే రేషన్ కార్డు అవసరం. అలాగే ఓటర్ కార్డు, బర్త్ సర్టిఫికెట్, ప్రభుత్వం జారీ చేసే ఐడెంటిటీ కార్డు, ఆధార్ కార్డు వంటి డాక్యుమెంట్లు అవసరం అవుతాయి. ఆమ్ ఆద్మీ బీమా యోజన పథకంలో చేరిన వ్యక్తి సహజంగా మరణిస్తే రూ.30,000 ఇన్సూరెన్స్ డబ్బులు వస్తాయి. ఈ డబ్బును కుటుంబ సభ్యులకు అందజేస్తారు. ఒకవేళ ప్రమాదవశాత్తు స్కీమ్‌లో చేరిన వ్యక్తి మరణిస్తే.. అప్పుడు రూ.75,000 చెల్లిస్తారు. ప్రమాదంలో శాశ్వత అంగవైకల్యం సంభవించినా కూడా ఇదే మొత్తాన్ని అందజేస్తారు. ఎల్ఐసీ అందిస్తున్న ఈ స్కీమ్‌లో చేరడం వల్ల కేవలం ఇన్సూరెన్స్ డబ్బులు మాత్రమే కాకుండా పిల్లలకు స్కాలర్‌షిప్ కూడా ఇస్తారు. ఒక కుటుంబంలో గరిష్టంగా ఇద్దరు పిల్లలకు ఉపకార వేతనం అందజేస్తారు. 9 నుంచి 12వ తరగతిలోపు ఉన్న విద్యార్థులకు ఇది వర్తిస్తుంది. ప్రతి ఏడాది ప్రతి విద్యార్థికి జూలై 1న రూ.600, జనవరి 1న రూ.600 చొప్పున అందిస్తారు. స్కీమ్‌లో చేరిన వ్యక్తి మరణిస్తే.. అప్పుడు నామినీ వారి డెత్ సర్టిఫికెట్‌‌ను క్లెయిమ్ సర్టిఫికెట్‌తో కలిపి పంచాయితీ లేదా నోడల్ ఏజెన్సీకి అందించాల్సి ఉంటుంది. వీళ్లు మీ అప్లికేషన్‌ను ఎల్‌ఐసీకి అందేలా చూస్తారు.

Content above bottom navigation