ఒకే రోజు 5 కీలక నిర్ణయాలు తీసుకున్న SBI అన్నీ కొత్త రూల్స్.. మినిమమ్ బ్యాలన్స్ ? ప్రతి ఒక్కరూ తప్పక తెలుసుకోండి

మ‌న దేశంలో అతి పెద్ద బ్యాంకు స్టేట్ బ్యాంక్ ఆఫ్ ఇండియా. ఈ బ్యాంకులో దాదాపు 40 కోట్ల మందికి అకౌంట్లు ఉన్నాయి. ఎలాంటి నిర్ణ‌యం తీసుకున్నా మ‌న దేశంలో చాలా మంది ఎదురుచూస్తారు. ఎందుకు అంటే ప్ర‌తీ వంద మందిలో 30 మందికి ఎస్ బీఐ అకౌంట్ ఉంది

తాజాగా ఒక్క రోజులోనే ఐదు కీలక అంశాలపై నిర్ణయాలు తీసుకుంది. దీంతో బ్యాంక్ కస్టమర్లపై నేరుగానే ప్రభావం పడుతోంది. వడ్డీ రేట్లు, రుణ రేట్లు, మినిమమ్ బ్యాలెన్స్, ఎస్ఎంఎస్ చార్జీలు ఇలా ముఖ్యమైన అంశాలపై స్టేట్ బ్యాంక్ కీలక నిర్ణయాలు తీసుకుంది.

పూర్తి వివరాల కోసం ఈ క్రింది వీడియో ని చూడండి..

  1. ఎస్‌బీఐ.. సేవింగ్స్ అకౌంట్లపై వడ్డీ రేట్లను సవరించింది. ఎస్‌బీఐ సేవింగ్స్ ఖాతాలపై వడ్డీ రేట్లు తగ్గాయి. ఇప్పుడు ఈ ఖాతాలలోని డబ్బులపై 3 శాతం వడ్డీ రేటు మాత్రమే లభిస్తుంది. ఇదివరకు రూ.లక్ష వరకు డిపాజిట్లు ఉన్న అకౌంట్లపై 3.25 శాతం వడ్డీ రేటు లభించేంది. అలాగే రూ.లక్షకు పైన డబ్బులు ఉన్న అకౌంట్లకు 3 శాతం వడ్డీ వచ్చేది. అయితే ఇప్పుడు SBI Interest Rates అన్నింటికీ 3 శాతంగానే ఉంటాయి. అంటే ఇది కస్టమర్లకు బ్యాడ్ న్యూస్.
  2. ఎస్‌బీఐ మినిమమ్ బ్యాలెన్స్ ఛార్జీలను ఎత్తివేసింది. గతంలో మెట్రో నగరాల్లో బ్యాంక్ అకౌంట్ కలిగిన కస్టమర్లకు మంత్లీ మినిమమ్ బ్యాలెన్స్ రూ.3,000గా ఉండేది. అదే పట్టణాల్లో ఎస్‌బీఐ సేవింగ్స్ అకౌంట్లకు మంత్లీ SBI మినిమం బ్యాలెన్స్ రూ.2,000గా ఉంది. చివరగా గ్రామీణ ప్రాంతాల్లోని అకౌంట్లకు మినిమమ్ బ్యాలెన్స్ రూ.1,000గా నిర్దేశించింది బ్యాంక్. సేవింగ్స్ అకౌంట్లలో మినిమమ్ బ్యాలెన్స్ కలిగి లేకపోతే అప్పుడు రూ.5 నుంచి రూ.15 వరకు పెనాల్టీ పడుతుంది. దీనికి జీఎస్‌టీ అదనం. ఇప్పుడు ఈ చార్జీలు ఉండవు. ఇది కస్టమర్లకు గుడ్ న్యూస్.
  3. ఎస్‌బీఐ కేవలం మినిమమ్ బ్యాలెన్స్ చార్జీలు మాత్రమే కాకుండా ఎస్ఎంఎస్ చార్జీలను కూడా తొలగిస్తున్నట్లు ప్రకటించింది. దీంతో బ్యాంక్ కస్టమర్లకు మరింత ప్రయోజనం కలుగనుంది.
  4. కస్టమర్లకు మరో శుభవార్త అందించింది. మార్జినల్ కాస్ట్ ఆఫ్ ఫండ్స్ ఆధారిత లెండింగ్ రేట్ల (ఎంసీఎల్ఆర్)ను తగ్గించింది. 15 బేసిస్ పాయింట్ల మేర కోత విధించింది. దీంతో ఏడాది SBI MCLR రేటు ఇప్పుడు 10 బేసిస్ పాయింట్లు మేర తగ్గింది. ఈ రేటు ఇప్పుడు 7.85 శాతం నుంచి 7.75 శాతానికి దిగొచ్చింది. ఎంసీఎల్ఆర్ తగ్గింపు వల్ల హోమ్ లోన్స్‌పై వడ్డీ రేట్లు కూడా దిగివస్తాయి. దీంతో కస్టమర్లకు ప్రయోజనం కలుగుతుంది.
  5. స్టేట్ బ్యాంక్.. ఫిక్స్‌డ్ డిపాజిట్లపై (ఎఫ్‌డీ) వడ్డీ రేట్లను మరోసారి తగ్గించింది. నెల రోజుల వ్యవధిలో వడ్డీ రేట్లు తగ్గించడం ఇది రెండోసారి…. వడ్డీ రేట్ల తగ్గింపు నిర్ణయం ఇప్పటికే అమలులోకి వచ్చిందని బ్యాంక్ తెలిపింది. స్టేట్ బ్యాంక్ ఇదివరకు ఫిబ్రవరి 10న ఎఫ్‌డీ రేట్లను తగ్గించిన విషయం తెలిసిందే. తాజా రేట్ల తగ్గింపుతో SBI FD Rates 4 శాతం నుంచి 5.9 శాతం మధ్యలో ఉన్నాయి.

ఎస్‌బీఐ బ్యాంక్ చైర్మన్ రజ్‌నీష్ కుమార్ మాట్లాడుతూ.. బ్యాంక్ కస్టమర్లకు ఎక్కువ ప్రయోజనం కలిగించాలనే లక్ష్యంతో ఈ నిర్ణయం తీసుకున్నట్లు తెలిపారు. దీంతో కస్టమర్ల ముఖాలపై చిరునవ్వు కనిపిస్తుందన్నారు. దీంతో ఎస్‌‌బీఐ బ్యాంక్‌పై కస్టమర్లకు మరింత విశ్వాసం పెరుగుతుందని ధీమా వ్యక్తం చేశారు.

ఇకపోతే దేశంలోనే అతిపెద్ద బ్యాంక్‌గా స్టేట్ బ్యాంక్ కొనసాగుతోంది. ఆస్తులు, డిపాజిట్లు, బ్రాంచులు, కస్టమర్లు, ఉద్యోగులు ఇలా ఎలా తీసుకున్నా కూడా ఎస్‌బీఐనే పెద్ద బ్యాంక్‌గా ఉంది. అంతేకాకుండా ఎస్‌బీఐ హోమ్ లోన్ మార్కెట్‌లోనూ అధిక మార్కెట్ వాటాతో దూసుకెళ్తోంది. 2019 డిసెంబర్ 31 నాటికి బ్యాంక్‌ వద్ద డిపాజిట్లు రూ.31 లక్షల కోట్లకు పైనే ఉన్నాయి.

Content above bottom navigation