‘డబ్బులిస్తా.. రాత్రికి వచ్చెయ్!’ హాస్టల్ బాలికలకు టీఆర్ఎస్ నేత లైంగిక వేధింపులు….

64

చిన్నారులు, మహిళలపై లైంగిక వేధింపులకు పాల్పడితే కఠిన చట్టాలు అమలులో ఉన్నా ఆ నేరాలు ఆగట్లేదు. తాజాగా ఇద్దరు కీచకుల లీలలు సిరిసిల్లలో వెలుగు చూశాయి. ఒక ఘటనలో.. ఆ హాస్టల్లోని క్యాటరింగ్‌ కాంట్రాక్టర్‌ పేరు చెబితేనే అక్కడి విద్యార్థినులు హడలిపోతారు. హాస్టల్లో అతడు ఎప్పుడంటే అప్పుడు స్వేచ్ఛగా తిరుగుతాడు. విద్యార్థినుల గదులకు వెళ్లి వారిపై లైంగిక వేధింపులకు పాల్పడతాడు. రూ.1000 ఇస్తా. రాత్రికి వచ్చేయండి. లేదంటే మీ స్నేహితురాళ్లెవరికైనా చెప్పి ఒప్పించండి అంటూ మాట్లాడతాడు. మరో ఘటనలో రుణాలిప్పిస్తానంటూ సామాజిక మాధ్యమాల వేదికగా యువతుల పట్ల ఒకడు వెకిలి చేష్టలకు పాల్పడుతున్నాడు. వారి ఫోన్లకు పోర్న్‌ వీడియోలు పంపుతూ వేధింపులకు పాల్పడుతున్నాడు. ఈ రెండు ఘటనల్లోనూ నిందితులు, టీఆర్‌ఎస్ లో చోటామోటా నేతలుగా చెలామణి అవుతున్నవారే.

Image result for లైంగిక వేధింపులు దేవయ్య

సిరిసిల్లలోని ఎస్సీ హాస్టల్లో క్యాటరింగ్ కాంట్రాక్టరుగా పని చేస్తున్న దేవయ్య అనే వ్యక్తి అక్కడ పలువురు విద్యార్థినులపై లైంగిక వేధింపులకు పాల్పడ్డట్లు సోషల్‌ మీడియాలో వైరల్‌ అయింది. ఇందుకు అక్కడి వంట మనిషి నిందితుడికి సహకరిస్తుండడం గమనార్హం. అంతేకాక, ‘డబ్బులిస్తా రాత్రికి వచ్చెయ్’ అని అనేవాడని, స్నేహితులను ఒప్పించి తన వద్దకు పంపాలని పదే పదే వేధించేవాడని బాలికలు వాపోతున్నారు. ఈ నేపథ్యంలో దేవయ్యను, వంట మహిళను పోలీసులు అరెస్టు చేశారు. దేవయ్య స్థానిక టీఆర్ఎస్ నేత కావడం గమనార్హం. అంతేకాదు గతంలో సర్పంచ్ గా పనిచేశాడు. బాలికలను వేధిస్తున్న ఘటనలో హాస్టల్‌ వార్డెన్‌ భూదేవిని సస్పెండ్‌ చేస్తూ జిల్లా షెడ్యూల్‌ కులాల అభివృద్ధి అధికారి ఆదేశాలు జారీ చేశారు. అంతేకాక, వేధింపులకు పాల్పడుతున్న దేవయ్యను కూడా పార్టీ నుంచి సస్పెండ్‌ చేసినట్లు స్థానిక టీఆర్‌ఎస్‌ నాయకులు ప్రకటించారు. నిందితులను కఠినంగా శిక్షించాలని డిమాండ్‌ చేస్తూ సిరిసిల్లలో విపక్ష పార్టీలు, విద్యార్థి సంఘాలు రాస్తారోకో కూడా నిర్వహించాయి. మాదిగ విద్యార్థి సమాఖ్య ఆధ్వర్యంలో ఉస్మానియా యూనివర్సిటీలో కేటీఆర్‌ దిష్టిబొమ్మను సైతం దహనం చేశారు.

ఇక మరొక ఘటనలో … రుణాలిప్పిస్తానంటూ సామాజిక మాధ్యమాల వేదికగా యువతుల పట్ల వెకిలి చేష్టలకు పాల్పడ్డాడు. వారి ఫోన్లకు పోర్న్‌ వీడియోలు పంపుతూ వేధిస్తున్నాడనే ఆరోపణలున్నాయి. టీఆర్‌ఎస్‌ నాయకుడిగా చెలామణి అవుతున్న జనగామ జిల్లా లింగాలఘనపురం మండలం నేలపోగులకు చెందిన కందగట్ల భాస్కర్‌పై ఐదుగురు యువతులు సైబర్‌క్రైం పోలీసులకు ఫిర్యాదు చేశారు. సబ్సిడీ రుణాలను ఇప్పిస్తానని నమ్మించి తమను లైంగికంగా వేధిస్తున్నాడని ఆరోపించారు. మాట వినకపోతే సంభాషణల తాలుకు ఆడియో, వీడియో క్లిప్పింగ్‌లను పోర్న్‌ సైట్లలో పెడతానని చేస్తానని బెదిరిస్తున్నట్లు ఫిర్యాదులో పేర్కొన్నారు. సైబర్‌ క్రైం సీఐ మహిపాల్‌ వెల్లడించిన వివరాల ప్రకారం.. భాస్కర్‌ రెండేళ్ల క్రితం బీసీ కార్పొరేషన్‌లో సబ్సిడీ రుణాల కోసం దరఖాస్తు చేసుకున్నాడు. అక్కడే దరఖాస్తు చేసుకున్న యువతుల ఫోన్‌ నంబర్లను సేకరించి వారికి ఫోన్‌ చేసేవాడు. రుణాలిప్పిస్తాడనే ఆశతో కాస్త చనువుగా మాట్లాడిన యువతులను నగ్న ఫొటోలు, వీడియోలు పంపాలంటూ లైంగికంగా వేధించేవాడు. సోమవారం నేలపోగులలో భాస్కర్‌ను పోలీసులు అరెస్ట్‌ చేశారు.

ఈ క్రింద వీడియో చూడండి:

Content above bottom navigation