Breaking News :వరుస పేలుళ్లు.. ఉలిక్కిపడ్డ హైదరాబాద్

హైదరాబాద్ నగరంలో ఒకే రోజు రెండు సిలిండర్ పేలుడు ఘటనలు చోటు చేసుకున్నాయి. మలక్ పేటతోపాటు సరూర్ నగర్‌లో శనివారం రాత్రి వంట గ్యాస్ సిలిండర్లు పేలాయి. ఈ ఘటనల్లో ఏడుగురు గాయపడగా.. ప్రస్తుతం వారికి వేర్వేరు హాస్పిటళ్లలో చికిత్స అందిస్తున్నారు. మలక్ పేటలోని అస్మాన్ ఘడ్‌లోని ఓ ఇంట్లో శనివారం అర్ధ రాత్రి గ్యాస్ లీకై సిలిండర్ పేలింది. ఈ పేలుడు ధాటికి ఇంట్లో మంటలు చెలరేగాయి. మంటలు అంటుకోవడంతో నలుగురు తీవ్రంగా గాయపడ్డారు.

చికిత్స నిమిత్తం వారిని గాంధీ హాస్పిటల్‌కు తరలించారు. గ్యాస్ లీక్ కావడంతోపాటు ఇంట్లోని ఫ్రిడ్జ్ వెనుక భాగంలోని థర్మోస్టేట్ షాట్ సర్క్యూట్ కావడంతో పేలుడు జరిగిందని పోలీసులు ప్రాథమికంగా తేల్చారు. పేలుడు ధాటికి…ఇంటిపై ఉన్న రేకులు విరిగిపోయాయి, సామాన్లన్నీ చెల్లాచెదురయ్యాయి. చుట్టు పక్కల ఇళ్లు, కార్ల అద్దాలు ధ్వంసమయ్యాయి.

ఈ క్రింది వీడియో చూడండి


సరూర్‌నగర్ కోదండరాం నగర్‌లోనూ శనివారం రాత్రి ఓ ఇంట్లో సిలిండర్ పేలింది. ఇంట్లో గ్యాస్ లీకవుతున్న విషయం గమనించిన ఇంటి యజమాని.. భార్యాపిల్లల్ని బయటకు పంపించాడు. తర్వాత ఏం జరిగిందో చూద్దామని తన తమ్ముడితో కలిసి ఇంట్లోకి వెళ్లాడు. లోపలికి వెళ్లి లైట్ వేయడంతో పేలుడు సంభవించింది. దాంతో వారిద్దరికీ గాయలయ్యాయి. ప్రస్తుతం వారిద్దరూ స్థానిక ఆస్పత్రిలో చికిత్స పొందుతున్నారు.

ఈ క్రింది వీడియో చూడండి

Content above bottom navigation