Breaking News: స్కూల్స్ బంద్.. 18 మందికి కరోనా వైరస్?

98

ఢిల్లీలో కరోనా వైరస్ సోకిన వ్యక్తి తన కుమారులు చదువుతోన్న పాఠశాలలోని విద్యార్థులు, ఉపాధ్యాయులకు పుట్టిన రోజు పార్టీ ఇచ్చిన విషయం తెలిసిందే. దీంతో ఆ పార్టీకి వెళ్లిన విద్యార్థులు, ఉపాధ్యాయులకు వైద్య పరీక్షలు నిర్వహిస్తున్నారు. ఇదిలా ఉండగా ఐదు పాఠశాలలకు బుధవారం నుంచి సెలవులు ప్రకటించారు. మంగళవారం రెండు స్కూల్స్ మూసివేయగా, బుధవారం మరో రెండు బ్రాంచిలను శ్రీరామ్ మిలీనియం స్కూల్ మూసివేసింది. ఈ స్కూల్‌లోనే కోవిడ్ వ్యాధిగ్రస్తుడి కుమారులు చదువుతున్నారు. గౌతమ్ బుద్ధ్ నగర్ చీఫ్ మెడికల్ ఆఫీసర్ సూచనలు ప్రకారం శుక్రవారం వరకు పాఠశాలలకు సెలవులు ప్రకటించారు.నొయిడాలోని శివ్ నాడార్ స్కూల్ మార్చి 10 వరకు సెలవులను ప్రకటించింది. మరోవైపు, వసంత్ విహార్‌లోని బ్రాంచ్ గురువారం నుంచి, ఆరావళి, మౌళసరి క్యాంపస్‌లను మార్చి 9 నుంచి మూసివేస్తున్నట్టు శ్రీరామ్ మిలీనియం స్కూల్ తెలిపింది. వేసవి విరామం ముందే వచ్చిందని, పాఠశాలను శుభ్రం చేయడానికి సెలవు రోజులను సద్వినియోగం చేసుకుంటామని స్కూల్ యాజమాన్యం వివరించింది. కోవిడ్ వ్యాధిగ్రస్తుడితో ఆగ్రాకు చెందిన ఆరుగురు, పుట్టిన రోజు వేడుకలకు హాజరైన వారు సహా కనీసం 70 మంది కాంటాక్ట్ అయినట్టు గుర్తించి వారిని పర్యవేక్షిస్తున్నారు.

నగర ప్రజల రక్షణ కోసం వీలైనన్ని చర్యలను తమ ప్రభుత్వం తీసుకుంటుందని ఢిల్లీ ఆరోగ్య మంత్ర సత్యేంద్ర జైన్ అన్నారు. మొత్తం 25 హాస్పిటల్స్‌లో కరోనా ప్రత్యేక వార్డులను ఏర్పాటుచేశామని, ఇందులో 19 ప్రభుత్వం, ఆరు ప్రయివేట్ హాస్పిటల్స్‌ ఉన్నట్టు ఆయన తెలిపారు. అలాగే 3.5 లక్షల ఎన్95 మాస్కులు సిద్ధంగా ఉన్నాయని, కరోనా రోగుల చికిత్స కోసం 8 వేల కిట్లు అదనంగా ఉన్నాయన్నారు.ఆగ్రాకు చెందిన ఆరుగురికి వైరస్ సోకినట్టు అనుమానిస్తున్నారు. వీరిని సఫ్దర్జంగ్ హాస్పిటల్‌లో ఉంచి పర్యవేక్షిస్తున్నారు. మిగతావారిని ఇళ్లకే పరిమితం చేశారు. హాస్పిటల్‌లో చేరిన వారిన నమూనాలను సేకరించి పుణేలోని నేషనల్ ఇన్‌స్టిట్యూట్ ఆఫ్ వైరాలజీకి పంపామని, ఫలితాలు ఇంకా రాలేదని మంత్రి సత్యేంద్ర జైన్ అన్నారు. వీరి పరిస్థితి నిలకడగా ఉందని వివరించారు. కోవిడ్ సోకిన వ్యక్తి ఫిబ్రవరి 28న హయ్యత్ రీజెన్సీలోని లా పిజ్జా రెస్టారెంట్‌ను సందర్శించడంతో ఆ హోటల్ సిబ్బందిని 14 రోజులు స్వీయ నిర్బంధం చేశారు.

ఈ క్రింది వీడియో చూడండి

మరోవైపు, ఇటలీ నుంచి వచ్చిన ఓ పర్యాటకుడికి కరోనా వైరస్ పరీక్షల్లో పాజిటివ్ రావడంతో అతడిని రాజస్థాన్‌లోని జైపూర్‌లో హాస్పిటల్‌కు తరలించారు. అతడి వెంట వచ్చిన 21 మందిని కూడా వైద్యుల పరిశీలనలోనే ఉంచారు. వైరస్ సోకిన వ్యక్తి భార్యకు కూడా పరీక్షలు నిర్వహించగా ఆమెకు కోవిడ్ ఉన్నట్టు తేలిందని సమాచారం. ఆమెకు సంబంధించిన ఫలితాల కోసం వేచిచూస్తున్నారు. దీని గురించి అధికారికంగా ఎలాంటి ప్రకటన చేయలేదు. ఇప్పటి వరకు మొత్తం 18 కేసులు గుర్తించగా, వీరిలో 15 మంది ఇటలీకి చెందినవారేనని తెలుస్తోంది.

ఈ క్రింది వీడియో చూడండి

Content above bottom navigation