క్వరన్టైన్ లో వున్న వారికి జగన్ భారి గిఫ్ట్ డబ్బులు పంపిణి

99

రాష్ట్రంలో కరోనా వైరస్ (కోవిడ్ 19) అనుమానితులను గుర్తించి అందరికీ వైద్య పరీక్షలు నిర్వహించాలని అధికారులను ముఖ్యమంత్రి వైఎస్‌ జగన్మోహన్‌రెడ్డి ఆదేశించారు. కుటుంబ సర్వే ద్వారా గుర్తించిన సుమారు 32 వేల మందికి కూడా పరీక్షలు చేయాలని సీఎం స్పష్టం చేశారు. మండలాన్ని యూనిట్‌గా తీసుకుని ర్యాండమ్‌ పరీక్షలు చేయాలని అధికారులకు సూచించారు. రాష్ట్రంలో కరోనా వ్యాప్తి, బాధితులకు అందుతున్న చికిత్స సహా ఇతర అంశాలపై సీఎం జగన్‌ బుధవారం సమీక్షా సమావేశం నిర్వహించారు. ఈ సందర్భంగా సీఎం జగన్ మాట్లాడుతూ.. క్వారంటైన్‌ సెంటర్లలో మెడికల్‌ ప్రోటోకాల్‌ పూర్తి చేసుకుని తిరిగి ఇళ్లకు పంపించేటప్పుడు వారిలో పేదలు ఎవరైనా ఉంటే గుర్తించి వారికి కనీసం రూ.2 వేలు ఆర్థిక సహాయం చేయాలని అధికారులకు సూచించారు.

అలాగే క్వారంటైన్ నుంచి వారు ఇంటికి వెళ్లిన తర్వాత కూడా పాటించాల్సిన జాగ్రత్తలను తెలియజేయాలని అధికారులకు సీఎం జగన్ సూచించారు. ఇక క్వారంటైన్ సెంటర్లలో సదుపాయాలపై సీఎం జగన్‌ మరోసారి ఆరా తీశారు. చికిత్స పొందుతున్న బాధితులకు ఎలాంటి ఆటకం కలగకుండా ఏర్పాట్లు చేయాలని ఆదేశించారు. క్వారంటైన్‌లో ఉండే ప్రతి బాధితుడికి రోజూ భోజనం, వసతి లాంటి అవసరాల కోసం రూ. 500కు తక్కువ కాకుండా కేటాయించాలని అధికారులకు సూచించారు. క్వారంటైన్‌ సెంటర్లలో ఏమేమి ఉండాలన్నదానిపై ఎస్‌ఓపీని కిందిస్థాయి అధికారులకు పంపించాలన్నారు.

కుర్రకారుకి వేడి పుట్టిస్తున్న శృతి హాసన్ పిక్స్

అలాగే రాష్ట్రంలో కారోనా బాధితులకు అందిస్తున్న వైద్య సదుపాయల గురించి అధికారులు సీఎం జగన్‌కు వివరించారు. రాష్ట్రంలో కోవిడ్‌ విస్తరణ, పాజిటివ్‌గా నమోదైన కేసుల వివరాలను సీఎంకు తెలిపారు. మరో నాలుగైదు రోజుల్లో కరోనా వైరస్‌ పరీక్షల రోజువారీ సామర్థ్యం 2 వేల నుంచి 4 వేలకు పెంచుతామని అధికారులు తెలిపారు. ప్రస్తుతం రోజుకు 2,100కు పైగా పరీక్షలు చేస్తున్నామని పేర్కొన్నారు.

వయ్యారాలతో హొయలెత్తిస్తున్న భామ కృతి కర్భంద

Content above bottom navigation