రాష్ట్రపతికి కరోనా పరీక్షలు.. కారణం తెలిస్తే షాక్

కరోనా వైరస్‌ వ్యాప్తిని అడ్డుకునేందుకు ప్రజలంతా ఒక్కతాటిపై నిలుస్తున్న సమయంలో.. బాలీవుడ్‌ గాయని కనికా కపూర్‌ మాత్రం తీవ్ర నిర్లక్ష్యాన్ని ప్రదర్శించారు. ఆమె నిర్లక్ష్యంపై లక్నో పోలీసులు ఎఫ్‌ఐఆర్‌ నమోదు చేశారు. పలు సెక్షన్ల కింద కేసులు నమోదు చేసి దర్యాప్తు చేపట్టారు. అయితే కనికా కపూర్‌ విదేశాల నుంచి తిరిగొచ్చిన తర్వాత కరోనా అనుమానిత లక్షణాలు బయటపడ్డాయి. అంతకు ముందే ఆమె పలు పార్టీలకు హాజరయ్యారు. ఈ పార్టీలకు ప్రముఖ రాజకీయ నాయకులు కూడా హాజరయ్యారు. అయితే తనకు కరోనా సోకినట్లు కనికా నిన్న ప్రకటించడంతో ఎవరైతే ఆమె పాల్గొన్న పార్టీలకు హాజరయ్యారో వారంతా తీవ్ర ఆందోళనకు గురై స్వీయ నిర్బంధంలోకి వెళ్లారు. కనికా హాజరైన పార్టీకి ఎంపీ దుష్యంత్‌ వెళ్లారు. ఆ తర్వాత రాజస్థాన్‌, యూపీ ఎంపీలకు మార్చి 18న రాష్ట్రపతి విందుకు దుష్యంత్‌ హాజరయ్యారు. దీంతో రాష్ట్రపతి రామ్‌నాథ్‌ కోవింద్‌కు కూడా కరోనా పరీక్షలు నిర్వహించాలని నిర్ణయించినట్లు సమాచారం. ఇవాళ రాష్ట్రపతికి కరోనా పరీక్షలు నిర్వహించే అవకాశం ఉంది. 

కనిక విషయం తెలియగానే రాజస్థాన్‌ మాజీ సీఎం వసుంధర రాజే, ఆమె కుమారుడు, ఎంపీ దుష్యంత్‌ సింగ్‌, యూపీ ఆరోగ్య శాఖ మంత్రి జైప్రతాప్ సింగ్ తో పాటు ముగ్గురు ఎమ్మెల్యేలు స్వీయ నిర్బంధంలోకి వెళ్లారు. దుష్యంత్‌ను కలిసిన తృణమూల్‌ కాంగ్రెస్‌ ఎంపీ డెరెక్‌ ఓబ్రెయిన్‌, బీజేపీ ఎంపీ వరుణ్‌ గాంధీ, అప్నాదళ్‌ ఎంపీ అనుప్రియా పటేల్‌.. క్వారంటైన్‌లోకి వెళ్తున్నట్టు ప్రకటించారు. ఎంపీ దుష్యంత్‌ ఇటీవల పార్లమెంట్‌ సమావేశాలకు హాజరయ్యారు. ఈ సందర్భంగా ఎంపీ వరుణ్‌గాంధీతో సన్నిహితంగా మెలిగారు. ఈ నెల 18న జరిగిన పార్లమెంట్‌ స్థాయి సంఘం సమావేశంలో ఎంపీ డెరెక్‌ ఓబ్రెయిన్‌ రెండు గంటలపాటు దుష్యంత్‌ పక్కనే కూర్చున్నారు. గురువారం దుష్యంత్‌ హాజరైన ఓ దావత్‌లో అనుప్రియా పటేల్‌ పాల్గొన్నారు. 

Content above bottom navigation