కరోనా వైరస్ సమయంలో చేయకూడని 10 పనులు ఇవే!

176

ప్రస్తుతం ప్రపంచాన్ని కరోనా వైరస్(కోవిడ్-19) వణికిస్తున్న సంగతి తెలిసిందే. హైదరాబాద్ లో కూడా దీనికి సంబంధించిన కేసు ఒకటి నమోదైంది. అయితే దీనికి సంబంధించి పుకార్లు మాత్రం ఆన్ లైన్ లో చాలానే హల్ చల్ చేస్తున్నాయి. ఈ వైరస్ కారణంగా ఇప్పటికే ప్రపంచవ్యాప్తంగా 3,000 మందికి పైగా మరణించారని తెలుస్తోంది. దీనికి సంబంధించిన మొదటి కేసు 2019 డిసెంబర్ లో చైనాలోని హూబేలో నమోదైంది. అక్కడ నుంచి ప్రపంచవ్యాప్తంగా మొత్తం 60 దేశాలకు ఇది వ్యాపించింది. ప్రజలు ఈ వైరస్ నుంచి తమను తాము కాపాడుకోవడానికి ఉన్న మార్గాల గురించి వెతుకుతున్నారు. అయితే ఆన్ లైన్ లో దీనికి సంబంధించి తప్పుడు సమాచారం అందుబాటులో ఉంది. కరోనా వైరస్ వ్యాధికి సంబంధించి ఆన్ లైన్ లో చేయకూడని 10 పనులు ఇవే!

కరోనా వైరస్ నుంచి మిమ్మల్ని కాపాడేందుకు ప్రత్యేకమైన మాస్క్ లేవీ అందుబాటులో లేదు. కాబట్టి ఆన్ లైన్ లో మీకు కరోనా వైరస్ నుంచి కాపాడే మాస్క్ లు అంటూ ఏవైనా కనిపిస్తే వెంటనే నమ్మేసి కొనేయకండి. ఆన్ లైన్ లో ఈ మధ్య దీనికి సంబంధించిన యాడ్లు ఎక్కువగా కనిపిస్తున్నాయి. మీరు కరోనా వైరస్ గురించి సెర్చ్ చేస్తున్నట్లయిటే మీకు కూడా ఆటోమేటిక్ గా కనిపించే అవకాశం ఉంది. అలా కనిపించినప్పుడు వాటిని అస్సలు పట్టించుకోకుండా ఉంటే చాలు!నిజానికి కరోనా మాస్కులను ఆపే మాస్క్ లు ఏవీ లేవు. కొంతమంది సర్జికల్ మాస్కులు వీటిని ఆపుతాయేమోనని వీటిని కొనుక్కునే ప్రయత్నాల్లో ఉండవచ్చు. కానీ కరోనా వైరస్ కు కారణమైన SARS-CoV-2 వైరస్ సైజ్ లో చాలా చిన్నగా ఉంటుంది. ఎన్-95 మాస్కుల్లోంచి కూడా ఇవి వెళ్లిపోయే అవకాశం ఉంది. కాబట్టి కరోనా వైరస్ ను ఆపే మాస్క్ లేవీ లేవనే విషయాన్ని మీరు గుర్తుంచుకోవాలి.

కరోనా వైరస్ కు ఇప్పటి వరకు అధికారికంగా ఎటువంటి మందునూ కనిపెట్టలేదు. కాబట్టి కరోనాకు మందు కనిపెట్టాం అంటూ ఏవైనా అడ్వర్టయిజ్ మెంట్లు కనిపించినా, ఆన్ లైన్ లో యాడ్లు కనిపించినా వాటిని కొనుగోలు చేయకండి. అది మీ డబ్బును కాజేసేందుకు వారు వేసిన పథకం మాత్రమే. కాబట్టి ఇలాంటి యాడ్లు కనిపించినప్పుడు మీరు కాస్త తెలివిగా వ్యవహరించండి.కరోనా వైరస్ కు సంబంధించి ఇంటర్నెట్లో కనిపించే సమాచారంలో చాలా వరకు అసత్యాలే. కాబట్టి మీరు ఏ వెబ్ సైట్లో పడితే ఆ వెబ్ సైట్లో కరోనా వైరస్ కు సంబంధించిన సమాచారాన్ని వెతక్కండి. అందులో ఉన్న సమాచారం కూడా అసత్యం అయ్యే అవకాశం ఉంది. మీకు దగ్గర్లో ఉండే వైద్యులను సంబంధించి దీనికి సంబంధించిన సమాచారాన్ని, తీసుకోవాల్సిన జాగ్రత్తలను తెలుసుకోండి.కరోనా వైరస్ కు సంబంధించి ఎటువంటి అధికారిక టెస్ట్ కిట్స్ కూడా లేవు. కాబట్టి మీకు ఇటువంటి లక్షణాలు కనిపిస్తే వెంటనే హాస్పిటల్ కు వెళ్లండి. అంతే కానీ కిట్ కొనుక్కుని ఇంట్లోనే పరీక్షించుకుందాం లాంటి నిర్ణయాలు తీసుకోకండి. ఎంతో మంది ఆన్ లైన్ లో ఫేక్ కరోనా వైరస్ కిట్లను విక్రయిస్తున్నారు. అటువంటి వారి విషయంలో జాగ్రత్తగా వ్యవహరించండి.

మనదేశంలో సోషల్ మీడియా వాడకం ఎక్కువ అయినప్పటి నుంచే నకిలీ సమాచారం, నకిలీ వార్తలు ఎక్కువయ్యాయి. ఇప్పుడు కరోనా వైరస్ విషయంలో కూడా అదే జరుగుతుంది. సాధారణంగా మనం వాట్సాప్ లో కొన్ని మెసేజ్ లను చూస్తూ ఉంటాం. ఈ మెసేజ్ ను ముగ్గురికి పంపిస్తే మీ ఫోన్ చార్జింగ్ 100 శాతం అవుతుంది వంటివి. కరోనా వైరస్ కు సంబంధించి కూడా ఇప్పుడు అలాంటి మెసేజ్ లు ఎన్నో వైరల్ అవుతున్నాయి. వాట్సాప్ మెసేజ్ లు, టిక్ టాక్ వీడియోల ద్వారా దీనికి సంబంధించిన నకిలీ సమాచారాన్ని వైరల్ చేస్తున్నారు. కాబట్టి ఇటువంటి విషయాల్లో జాగ్రత్తగా ఉండండి.సాధారణంగా ఇటువంటి విషయం ఒక్కటి వెలుగులోకి రాగానే దీన్ని క్యాష్ చేసుకునే ప్రయత్నాలు చాలా జరుగుతూ ఉంటాయి. కొంతమంది యూట్యూబర్లు, సోషల్ మీడియాలో ఫాలోయింగ్ ఉన్న వారు దీనికి సంబంధించిన నకిలీ సమాచారాన్ని అందిస్తూ ఉంటారు. కాబట్టి ఎవరో చెప్పారని దీనికి సంబంధించిన సమాచారాన్ని నమ్మి ఇబ్బందుల పాలు కావద్దు!కరోనా వైరస్ లక్షణాలను ఆన్ లైన్ లో వెతక్కండి. ఒకవేళ మీకు కరోనా వైరస్ కు సంబంధించిన లక్షణాలు ఏవైనా ఉన్నట్లు అనిపిస్తే మీకు దగ్గరో ఉన్న వైద్యులను సంప్రదించండి. అంతే కానీ ఆన్ లైన్ లోనే దీనికి సంబంధించిన సమాచారాన్ని చదివి మీకు ఈ వ్యాధి ఉందని నిర్ధారణకు రాకండి. ఇటువంటి విషయాల్లో మరింత జాగ్రత్త వహించండి.

ఈ క్రింది వీడియో చూడండి

ఆన్ లైన్ లో మీకు కరోనా వైరస్ గురించి ఏవైనా వార్తలు కనిపించినా, లేకపోతే మీకు వాట్సాప్ లో ఎవరైనా వాటిని పంపించినా వెంటనే వాటిని షేర్ చేయకండి. ఎందుకంటే ఇటువంటి ధ్రువీకరించబడని వార్తలు మిగిలిన వారిలో భయాన్ని పెంచుతాయి. కేవలం వార్తలే కాకుండా, వీడియోలను కూడా షేర్ చేయకండి. ఒకవేళ అందులో ఉన్న సమాచారం ముఖ్యమైనదని భావించినప్పటికీ అది నిజమా, కాదా అని ధ్రువీకరించుకోండి.ప్రస్తుతం ప్రపంచం మొత్తం కరోనా వైరస్ కు భయపడుతున్నందున సైబర్ నేరగాళ్లు కూడా దీన్ని క్యాష్ చేసుకునే ప్రయత్నాల్లో ఉంటారు. మిమ్మల్ని భయపెట్టేలా లేకపోతే నమ్మించేలా ఈ-మెయిల్స్, మెసేజెస్ పంపించి మీ ఖాతాలో నగదు దొంగలించాలని ప్రయత్నిస్తూ ఉంటారు. ప్రపంచ ఆరోగ్య సంస్థ(WHO), ఇతర ప్రముఖ సంస్థల పేరిట ఈ-మెయిల్స్ పంపించి మీ వద్ద నుంచి డబ్బులు కాజేయాలని ప్రయత్నిస్తారు. కాబట్టి ఇటువంటి విషయాల్లో కూడా జాగ్రత్త వహించండి.

Content above bottom navigation