Breaking News: తెలంగాణలో తొలి కరోనా కేసు.. హై అలర్ట్

58

తెలంగాణలో తొలి కరోనా కేసు నమోదైంది. దుబాయ్ నుంచి హైదరాబాద్ వచ్చిన తెలంగాణకు చెందిన వ్యక్తిలో కరోనా (కోవిడ్-19) లక్షణాలను గుర్తించినట్లు కేంద్ర ప్రభుత్వం వెల్లడించింది. ఇటలీ నుంచి ఢిల్లీకి వచ్చిన మరో వ్యక్తిలోనూ కరోనా లక్షణాలు గుర్తించినట్లు తెలిపారు. ఈ మేరకు కేంద్ర ప్రభుత్వం సోమవారం (మార్చి 2) మధ్యాహ్నం ఒక ప్రకటనలో పేర్కొంది. భారత్‌లో రెండు కరోనా కేసులు నమోదైనట్లు ప్రకటనలో వెల్లడించారు. ఇరువురి ఆరోగ్య పరిస్థితి నిలకడగా ఉన్నట్లు తెలిపారు.

Image result for corona virus

బాధితులను ప్రత్యేక వార్డులో ఉంచి చికిత్స అందిస్తున్నారు. తెలంగాణలో తొలి కరోనా కేసు నమోదైన నేపథ్యంలో రాష్ట్రంలో హై అలర్ట్ విధించారు. పూర్తి వివరాలు తెలియాల్సి ఉంది. రాష్ట్రంలో తొలి కరోనా కేసు నమోదు కావడంతో ప్రభుత్వం అప్రమత్తమైంది. ఆరోగ్య శాఖ మంత్రి ఈటల రాజేందర్ ఉన్నతాధికారులతో అత్యవసర సమావేశం ఏర్పాటు చేశారు. సోమవారం సాయంత్రం నాలుగు గంటలకు మీడియాకు వివరాలు వెల్లడించనున్నారు.కరోనా వైరస్‌ లక్షణాలతో ఇద్దరు అనుమానితులు ఆదివారం గాంధీ ఆస్పత్రి ఐసోలేషన్‌ వార్డులో చేరారు. వైద్యులు వారి నుంచి నమూనాలు సేకరించి.. నిర్ధారణ కోసం గాంధీ మెడికల్‌ కాలేజీ మైక్రోబయోలజీ విభాగంలోని వైరాలజీ ల్యాబ్‌కు పంపించారు. సోమవారం ఈ నివేదికలు అందాయి. వీరిలో ఒకరికి కరోనా పాజిటివ్ అని తేలినట్లు తెలుస్తోంది.

ఈ క్రింది వీడియో చూడండి

గాంధీ ఆస్పత్రిలో ఇప్పటివరకు 81 మందికి నిర్ధారణ పరీక్షలు నిర్వహించగా.. 79 మందికి నెగిటివ్‌ వచ్చిందని అధికారులు వెల్లడించారు. తాజాగా తొలి పాజిటివ్ కేసు నమోదైనట్లు తెలిపారు. భారత్‌లో ఇంతకుముందే 3 కరోనా పాజిటివ్ కేసులు నమోదయ్యాయి. వీటిని కేరళలో గుర్తించారు. అయితే.. చికిత్స అనంతరం ఈ ముగ్గురూ పూర్తిగా కోలుకోవడంతో ఆస్పత్రి నుంచి డిఛ్చార్జ్ చేశారు. ఇరాన్, ఇటలీ లాంటి దేశాల పర్యటనలు.చైనాలో తొలిసారి వెలుగుచూసిన కరోనా వైరస్ ప్రపంచాన్ని వణికిస్తోంది. ప్రపంచవ్యాప్తంగా 66 దేశాలకు ఈ వైరస్ వ్యాపించింది. కరోనా బారిన పడి ఇప్పటివరకు 3,000 మందికి పైగా మృతి చెందారు. మొత్తం 88,400 మంది వైరస్ బారినపడ్డారు. చైనా వెలుపల ఇరాన్, దక్షిణ కొరియా, ఇటలీలో కరోనా తీవ్రత అధికంగా ఉంది. చైనాలో 2,912 మంది, ప్రపంచవ్యాప్తంగా వివిధ దేశాల్లో 129 మందికి పైగా మృత్యువాతపడ్డారు. అమెరికా, థాయ్‌లాండ్, ఆస్ట్రేలియాలో కరోనా వైరస్ తొలి మరణాలు ఆదివారం చోటుచేసుకున్నాయి.

ఈ క్రింది వీడియో చూడండి

Content above bottom navigation