అమెరికా చరిత్రలోనే తొలిసారి.. కరోనా జాతీయ విపత్తుగా ప్రకటన..

ప్రపంచాన్ని కంటి మీద కునుకు లేకుండా చేస్తున్న కోవిడ్ 19 అగ్రరాజ్యం అమెరికాను ఇంకా ఎక్కువ భయపెట్టిస్తుంది.. రోజుకు వందలాది మంది దీనికి బలవుతున్నారు. గత పదిహేను రోజుల నుంచి కోవిడ్-19 ఉద్ధృతంగా ఉంది. అమెరికా మృతుల్లో మొదటి స్థానానికి చేరుకుంది. రోజూ రెండు వేలకు పైగా మరణాలు నమోదవుతున్న వేళ, కోవిడ్‌ మృతుల్లో ఇటలీతో పోటీపడుతూ వస్తున్న యూఎస్‌ 20 వేల 506 మృతులతో తొలి స్థానంలో నిలిచింది. వైరస్‌ బారినపడ్డ లెక్కల్లోనూ అమెరికా 5,27,111 కేసులతో తొలిస్థానంలో ఉంది. ఈ నేపథ్యంలో అధ్యక్షుడు డొనాల్డ్‌ ట్రంప్‌ కీలక నిర్ణయం తీసుకున్నారు. మహమ్మారి విజృంభణను దేశవ్యాప్త విపత్తుగా ప్రకటించారు. దేశంలోని 50 రాష్ట్రాల్లో మహా విపత్తు పరిస్థితులు నెలకొన్నాయని పేర్కొన్నారు. అమెరికా చరిత్రలోనే ఇలా విపత్తుగా ప్రకటించిన ఇదే తొలిసారి. అమెరికాలో తొలి కోవిడ్ 19 కేసు నమోదయిన తర్వాత తీవ్రతను బట్టి ఒక్కో రాష్ట్రంలో విపత్తును ప్రకటిస్తూ వచ్చిన శ్వేతసౌధం చిట్టచివరిగా శనివారం వ్యోమింగ్‌ కూ దాన్ని వర్తింపజేసింది. దీంతో అన్ని రాష్ట్రాలు మహా విపత్తును ఎదుర్కొంటున్నట్లుగా గుర్తించినట్టయ్యింది.

క్రేజీ లుక్స్‌తో సూపర్ గా అదరగొట్టిన అనుపమ

దేశవ్యాప్త విపత్తుగా ప్రకటించడంతో ఫెడరల్‌ ప్రభుత్వ నిధుల్ని రాష్ట్రాలు వినియోగించే వెసులుబాటు కలుగుతుంది. అలాగే కోవిడ్ 19 మహమ్మారితో పోరాడేందుకు నేరుగా శ్వేతసౌధం నుంచే నిధులు అందుతాయి. ఇతర అత్యవసర సేవల్ని కూడా ఫెడరల్‌ ప్రభుత్వమే పర్యవేక్షిస్తుంది. కోవిడ్ 19 మరణాల్లో ఇటలీని దాటేసిన అమెరికా ప్రపంచంలోనే మొదటిస్థానానికి చేరింది. శనివారం మరో 1,912 మంది ప్రాణాలు కోల్పోవడంతో ఇప్పటి వరకు కోవిడ్ 19 మృతుల సంఖ్య 20,597కు చేరింది. న్యూయార్క్‌, న్యూజెర్సీలలో మహమ్మారి విలయతాండవం కొనసాగుతోంది. తాజాగా షికాగో సహా మరిన్ని మధ్య, పశ్చిమ ప్రాంతాలకు విస్తరించింది. ఇప్పటి వరకు దేశవ్యాప్తంగా 5,33,259 మంది వైరస్‌ బారినపడ్డారు. మరోవైపు, కరోనా బాధితులకు చికిత్స చేస్తున్న వైద్యులు, ఆరోగ్య సిబ్బంది సైతం పెద్ద సంఖ్యలో ప్రాణాలు కోల్పోతుండటం బాధాకరం. ఇండియానాలోని ఓ నర్సింగ్‌ హోంలో 24 మంది, ఐఓడబ్ల్యూఏలోని మరో నర్సింగ్‌ హోంలో 14 మంది మృత్యువాతపడ్డారు. షికాగో కూక్‌ కౌంటీలోని ఓ నర్సింగ్‌ హోంలో గుర్తు తెలియని శవాలను భద్రపరచడానికి 2,000 సామర్థ్యంతో ఓ మార్చురీని ఏర్పాటు చేశారు. వైరస్‌ కట్టడిపై ప్రజల్లో అవగాహన కల్పించేందుకు షికాగో నగర మేయర్ వీధుల్లో తిరుగుతూ ప్రజల్లో అవగాహన కల్పిస్తున్నారు.

నికిషా పటేల్ అందాలు చూస్తే సెగలు పుట్టాల్సిందే

ఈస్టర్‌ పర్వదినం సందర్భంగా ప్రజలు ఎవరూ బయటకు రావొద్దని విజ్ఞప్తి చేస్తున్నారు. న్యూయార్క్‌ నగరంలో శనివారం 783 మంది మృతిచెందినా, మరణాల రేటు క్రమంగా తగ్గుతోందని గవర్నర్‌ ఆండ్రూ క్యుమో తెలిపారు. ఇప్పటి వరకు రాష్ట్రంలో 8,627 మంది మృత్యువాతపడ్డారు. వ్యోమింగ్‌ లో కోవిడ్ 19 వైరస్ కేసులు పెరుగుతున్న తరుణంలో అక్కడ విపత్తుగా ప్రకటించడంతో పరిస్థితులు అదుపులో ఉంటాయని భావిస్తున్నారు. ప్రస్తుతం ఆ రాష్ట్రంలో కోవిడ్-19 కేసులు 260 గా నమోదయ్యాయి. ఎలాంటి మరణం చోటుచేసుకోలేదు. న్యూయార్క్, న్యూజెర్సీల రాష్ట్రాల మాదిరిగా ఇక్కడ వైరస్ తీవ్రత అంతగా లేదని వ్యోమింగ్ గవర్నర్ మార్క్ గోర్డన్ వ్యాఖ్యానించారు. వ్యోమింగ్‌ తో పాటు యూఎస్ విర్జిన్ ఐలాండ్, ఉత్తర మెరీనా దీవులు, డిస్ట్రిక్ట్ ఆఫ్ కొలంబియా, గౌమ్, ప్యూర్టారికో సైతం విపత్తు పరిధిలోకి వచ్చాయి. న్యూజెర్సీలో 58,000 మంది వైరస్ బారినపడగా.. 2,200 మంది ప్రాణాలు కోల్పోయారు. దీంతో ప్రజలు ఇళ్లలోనూ మాస్క్‌లు ధరించాలని న్యూజెర్సీ గవర్నర్ ఫిల్ మర్ఫీ ఆదేశించారు. అయితే, రెండు రోజుల నుంచి వైరస్ తీవ్రత కాస్త తగ్గుముఖం పట్టిందని తెలిపారు. మరోవైపు, పీపీఈల కోసం 133 మిలియన్ డాలర్లను డిఫెన్స్ ప్రొడక్షన్ యాక్ట్ కింద విడుదల చేస్తున్నట్టు పెంటగాన్ తెలిపింది. ఇందులో 39 మిలియన్ డాలర్లు రాబోయే మూడు నెలల్లో ఎన్‌95 మాస్క్‌ల కోసం కేటాయించినట్టు వెల్లడించింది.

Content above bottom navigation