వృద్ధ స్వామీజీ ‘శ్రీకృష్ణ’ లీలలు.. బందీగా తెలుగమ్మాయి..16వేల మందితో శృంగారమే లక్ష్యమంట..

అతడి పేరు.. వీరేంద్ర దేవ్‌ దీక్షిత్‌. కాటికి కాళ్లు చాపుకున్న వయస్సు ఇతనిది. కానీ తనకు తాను శ్రీకృష్ణుడి అవతారమని ప్రకటించుకున్నాడు. ఓ భక్తి సామ్రాజ్యాని నిర్మించుకున్నాడు. శ్రీకృష్ణుడిలాగే తనకూ 16వేల మందితో శృంగారం చేయాలనే లక్ష్యం ఉందంట. తన ఆశ్రమానికి వచ్చిన అమ్మాయిలపై అతడి కన్ను పడిందంటే ఇక అంతే సంగతులు. ఆమె బయటి ప్రపంచం చూడలేదు. రకరకాల ప్రచారాలతో యువతులను ఓ రకమైన భావోన్మాదానికి గురిచేసి అక్కడే ఉండేలా చేస్తాడు. నిత్యానంద, డేరా బాబాలను మించి దొంగ బాబా అతడు. 2020లో ప్రపంచం అంతమైపోతుందని.. తనను ఆశ్రయించిన వారిని రక్షిస్తానని చెప్పుకొంటూ అమాయకులను ఆకట్టుకున్నాడు.

నిజామాబాద్‌ జిల్లాకు చెందిన దుంపల రాంరెడ్డి, మీనవతి దంపతుల కూతురు సంతోషి రూప. అనంతపూర్‌ జేఎన్‌టీయూలో కెమికల్‌ ఇంజనీరింగ్‌ చేసి ఉన్నత చదువులకు అమెరికా వెళ్లింది. అక్కడ ప్రఖ్యాత యూనివర్సిటీలో కెమికల్‌ ఇంజనీరింగ్‌ విభాగంలో ఎంఎస్‌ పూర్తిచేసింది. నానో టెక్నాలజీలో పరిశోధనలు చేస్తున్న ఆమె.. 2015లో అకస్మాత్తుగా అదృశ్యమమైంది. ఆమె తల్లిదండ్రులు ఆరా తీయగా, ఢిల్లీలోని వీరేంద్ర దేవ్‌ స్థాపించిన ఆధ్మాత్మిక విద్యాలయ ఆశ్రమంలో చేరినట్లు తెలిసింది. ఆమె కోసం అక్కడికి వెళ్లగా తండ్రికి మాత్రమే ఆమెను కలవడానికి అనుమతి ఇచ్చారు. ఇంటికి వచ్చేయాలని ఆయన ఎంత నచ్చజెప్పినా సంతోషి వినిపించుకోలేదు. ఆ తర్వాత కూడా చాలాసార్లు తల్లితండ్రులు ఆమెను కలుసుకుని ఇంటికి రావాలని బతిమాలారు. ఈ క్రమంలో 2017లో ఒకసారి ఆమెను కలుసుకోడానికి రాంరెడ్డి వెళ్లిన సమయంలో రాజస్థాన్‌కు చెందిన అనేక మంది అక్కడ గొడవ చేస్తుండడాన్ని గమనించాడు. ఆశ్రమంలో చేరిన సంతోషి రూప సన్యాసిలా మారిపోయింది. తల్లిదండ్రులు ఆమెను కలిసినప్పుడు.. ‘నేను దేవతగా మారబోతున్నా. మీరందరూ త్వరలో మరణిస్తారు. మళ్లీ మేం మానవ జాతిని సృష్టించి విశ్వాన్ని స్థాపిస్తాం. మీరు ఇక్కడి నుంచి వెళ్లిపోండి. మరోసారి నన్ను చూడటానికి రావొద్దు’ అంటూ ఆమె వింత మాటలు మాట్లాడుతుండేది. తాను ఇష్టపూర్వకంగానే ఆశ్రమంలో ఉంటున్నానని, తనను ఎవరూ ఇబ్బంది పెట్టట్లేదని, సంతోషంగా ఉన్నానని తల్లిందండ్రులతో చెప్పేది.

మైనర్లయిన తమ కుమార్తెలకు మాయమాటలు చెప్పి ఆశ్రమానికి తీసుకొచ్చి బందీలుగా చేశారని ఢిల్లీ మహిళా కమిషన్‌, హైకోర్టును కొందరు తల్లిదండ్రులు ఆశ్రయించారు. హైకోర్టు ఆదేశాలతో ఆశ్రమాన్ని తనిఖీ చేసిన పోలీసులు అమ్మాయిలను తల్లిదండ్రులకు అప్పగించారు. తనిఖీల్లో ఇంజక్షన్లు, కొన్ని రకాల మందులు దొరకడం కలకలం రేపింది. రాంరెడ్డి దంపతులు కూడా తమ కూతురుని విడిపించాలని ఢిల్లీ హైకోర్టును ఆశ్రయించారు. వారి పిటిషన్‌ను విచారణకు స్వీకరించిన న్యాయస్థానం కేంద్ర ప్రభుత్వం, ఢిల్లీ ప్రభుత్వం, సీబీఐని ప్రతివాదులుగా చేర్చి నోటీసులు జారీ చేసింది. పిటిషనర్‌ తరఫున న్యాయవాది శ్రావణ్‌ కుమార్‌ వాదనలు వినిపించారు. వీరేంద్రపై అత్యాచారం సహా పలు కేసులు ఉన్నాయని, సీబీఐకి దొరకకుండా తప్పించుకొని తిరుగుతున్నారని న్యాయవాది శ్రావణ్‌ కుమార్‌ కోర్టుకు తెలిపారు. సంతోషికి మాయమాటలు చెప్పి ఆశ్రమంలో చేర్చుకున్నారని, ఆమెలాగే ఆశ్రమంలో 168 మంది యువతులు ఉన్నారని పేర్కొన్నారు. సంతోషి అమెరికా నుంచి ఇండియా వచ్చే నాటికి ఆమె బ్యాంకు అకౌంట్లో కోటి రూపాయలు ఉన్నాయని, ఆ డబ్బును ఆశ్రమ నిర్వాహకులే కాజేసి ఉంటారని అనుమానం వ్యక్తం చేశారు. సంతోషిని అక్కడి నుంచి విడిపించి తల్లిదండ్రులకు అప్పగించాలని న్యాయవాది కోర్టును అభ్యర్థించారు.

Image result for వృద్ధ స్వామీజీ ‘శ్రీకృష్ణ’ లీలలు

తనను శ్రీకృష్ణ భగవానుడి స్వరూపంగా చెప్పుకునే వీరేంద్ర దేవ్‌ దీక్షిత్‌ 1998లోనే అరెస్టయి ఆరు నెలలు జైల్లో గడిపాడు. బయటికి వచ్చి, బాబాగా అవతారమెత్తిన అతడు మాయమాటలతో ఎందరో మహిళలను తన బానిసలుగా చేసుకున్నట్లు తెలుస్తోంది. దేశవ్యాప్తంగా ఈ ఆశ్రమానికి అనేక కేంద్రాలు ఉన్నాయి. అతడు ఏ ఆశ్రమానికి వెళ్తే అక్కడ ఆ రోజు రాత్రి ‘గుప్త ప్రసాదం’ పేరుతో 8-10 మంది అమ్మాయిలను ఏర్పాటు చేయాలని ఆదేశిస్తాడు. ఆ రాత్రి అతడితో గడిపిన అమ్మాయిలను మరుసటి రోజు నుంచి అతడి రాణులుగా ప్రకటిస్తాడు. 2017 జూన్‌లో ఓ యువతి తల్లిదండ్రులు ఢిల్లీ హైకోర్టును ఆశ్రయించడంతో వీరేంద్ర దేవ్‌ లీలలు వెలుగులోకి వచ్చాయి. కోర్టు ఆదేశాల మేరకు పోలీసులు, న్యాయవాదులతో ఏర్పాటైన ఓ బృందం ఆశ్రమంలో తనిఖీలు నిర్వహించి 67 మంది బాలికలను విడిపించింది. ఆ ఆశ్రమంలో మహిళలు, యువతులను ఇరుకు గదుల్లో జంతువుల్లా బందీలుగా ఉంచుతున్నారని పోలీసులు కోర్టుకు తెలిపారు.

ఈ క్రింది వీడియో చూడండి

వీరేంద్ర దేవ్‌ దీక్షిత్‌ తొలినాళ్లలో బ్రహ్మకుమారి సంస్థ వ్యవస్థాపకులు లేఖ్‌ రాజ్‌ కృపలానీ స్ఫూర్తితో ఆధ్మాత్మిక కార్యక్రమాలు చేపడుతున్నానని, ఆయన ఆత్మ తనలో ప్రవేశించిందని చెప్పుకొనేవాడు. కానీ అతడి ప్రచారాన్ని బ్రహ్మకుమారి సంస్థ తీవ్రంగా ఖండించింది. అతడితో తమకు సంబంధం లేదని తేల్చిచెప్పింది. ఆ తర్వాత ‘ఆధ్మాత్మిక ఐశ్వర్య విశ్వవిద్యాలయ్‌’ పేరిట ఢిల్లీలో ఆశ్రమాన్ని స్థాపించాడు. హైకోర్టు ఉత్తర్వుల నేపథ్యంలో విశ్వ అనే పదాన్ని తీసేశాడు. కృష్ణుడిలా 16 వేల మంది గోపికలను ఏర్పాటు చేసుకుని శృంగారం చేయాలన్న లక్ష్యంతో అతడు పనిచేస్తున్నాడని.. ఈ క్రమంలోనే భక్తి పేరిట అమాయక యువతులకు వల వేస్తున్నాడని స్థానికులు మండిపడుతున్నారు. ఢిల్లీ హైకోర్టు ఆదేశాల మేరకు వీరేంద్ర దేవ్‌ పై కేసులను ఢిల్లీ పోలీసులు సీబీఐకి బదలాయించారు. 2018 జనవరిలో వీరేంద్ర దేవ్‌ దీక్షిత్‌ అక్రమాలపై సీబీఐ మూడు ఎఫ్‌ఐఆర్‌లు నమోదు చేసింది. దీంతో ఆ దొంగబాబా పరారయ్యాడు.

అతడిపై రెండుసార్లు లుకౌట్ నోటీసులు జారీ అయ్యాయి. ఆ బాబా కోసం ఇంటర్‌ పోల్‌ బ్లూ నోటీస్‌ కూడా జారీ చేసింది. రెండేళ్లుగా వీరేంద్ర దేవ్‌ పరారీలో ఉన్నా అతడి ఆశ్రమం ఇంకా నడుస్తుండటం పట్ల అనేక అనుమానాలు వ్యక్తమవుతున్నాయి. ఆశ్రమంలో బందీగా మారిన తన కూతురు సంతోషి రూపను ఎలాగైనా విడిపించాలని ఆమె తండ్రి రాంరెడ్డి కోరుతున్నారు. ఈ విషయంలో తెలంగాణ ప్రభుత్వం చొరవ తీసుకోవాలని అభ్యర్థించారు. ‘నా కూతురు పూర్తిగా ఆశ్రమ నిర్వాహకుల చేతుల్లోకి వెళ్లిపోయింది. వాళ్లు ఏది చెబితే అదే చేస్తోంది’ అని ఆవేదన వ్యక్తం చేశారు. ఎంత చెప్పినా తమతో రావడానికి నిరాకరిస్తోందని.. అందుకే కోర్టును ఆశ్రయించామని తెలిపారు. రెండేళ్లుగా పరారీలో ఉన్న వీరేంద్రదేవ్‌ దీక్షిత్‌ సీబీఐకి చుక్కలు చూపిస్తున్నాడు. అతడి కోసం ఎక్కడ గాలించినా కనీసం క్లూ కూడా దొరక్కపోవడంతో సీబీఐ అధికారులు తలలు పట్టుకుంటున్నారు. దీంతో దీక్షిత్ ఆచూకీ చెప్పినవారికి రూ.5లక్షలు నజరానా ఇస్తామని ప్రకటించింది. అతడి ఆచూకీ గానీ, ఆశ్రమ అక్రమాలపై సమాచారం గానీ తెలిస్తే 011-24368657 నంబర్‌కు ఫోన్‌ చేయాలని, లేదా 011-24368662 నంబర్‌కు ఫాక్స్‌ చేయాలని సీబీఐ అధికారులు కోరుతున్నారు.

ఈ క్రింది వీడియో చూడండి

Content above bottom navigation