కరోనా పై దేశ ప్రజలకు గుడ్ న్యూస్ చెప్పిన మోడీ

దేశంలో కరోనా కేసుల సంఖ్య అంతకంతకూ పెరుగుతున్న వేళ కేంద్ర ఆరోగ్య శాఖ కాస్త ఊరటనిచ్చే వార్త తెలిపింది. దేశంలో కరోనా నుంచి కోలుకొని డిశ్చార్జ్ అయిన వారి సంఖ్య.. కరోనా యాక్టివ్ కేసులను దాటేసింది. కేంద్ర ఆరోగ్య శాఖ గణాంకాల ప్రకారం.. ఇప్పటివరకు వైరస్ బారినపడిన వారిలో 50 శాతం వరకూ కోలుకున్నారు. భారత్లో రికవరీ రేటు మెరుగ్గా ఉంది.

పూర్తి వివరాలకు ఈ వీడియో చూడండి

బుధవారం (జూన్ 10) ఉదయం నాటికి అందిన వివరాల ప్రకారం.. దేశంలో మొత్తం పాజిటివ్ కేసుల సంఖ్య 1,33,632 ఉండగా.. వైరస్ నుంచి కోలుకొని డిశ్చార్జ్ అయిన వారి సంఖ్య 1,35,205కు చేరుకుంది. కాగా.. విదేశీయుడైన ఓ వ్యక్తి కరోనా నుంచి కోలుకొని తన స్వస్థలం వెళ్లిపోయాడని కేంద్ర ఆరోగ్య శాఖ వెల్లడించింది. ఇప్పటివరకు 48.99 శాతం బాధితులు కరోనా నుంచి కోలుకున్నారని తెలిపింది. దేశంలో కరోనా నుంచి కోలుకున్న వారి సంఖ్య, యాక్టివ్ కేసులను దాటడం ఇదే తొలిసారి కావడం విశేషం.

మరోవైపు.. దేశంలో కరోనా పాజిటివ్ కేసుల సంఖ్య అంతకంతకూ పెరుగుతుండటం ఆందోళన కలిగిస్తోంది. వారం రోజుల్లోనే కొత్తగా 70 వేల కేసులు, 2 వేల మరణాలు నమోదయ్యాయి. వరుసగా ఆరో రోజు దేశంలో 9500లకు పైగా పాజిటివ్ కేసులు నమోదయ్యాయి. గడిచిన 24 గంటల్లో దేశవ్యాప్తంగా 279 మంది కరోనా కారణంగా మరణించారు.

బుధవారం ఉదయం నాటికి దేశంలో 2,76,583 కరోనా కేసులు నమోదయ్యాయి. కరోనాతో ఇప్పటివరకు 7,745 మంది మరణించారు. మహారాష్ట్రలో కరోనా వైరస్ ప్రభావం తీవ్రంగా ఉంది. ఆ రాష్ట్ర కేసులు చైనా కేసులను దాటేశాయి. ఒక్క ముంబై నగరంలోనే 50 వేలకు పైగా కేసులు నమోదయ్యాయి. అమెరికా, బ్రెజిల్, రష్యా, బ్రిటన్ తర్వాత భారత్లో కరోనా ప్రభావం అధికంగా ఉంది.

Content above bottom navigation