ఈ గ్రామంలో మగాళ్లు ఉండరు; మరి మహిళలు గర్భవతులు ఎలా అవుతున్నారు?

మహిళలు ఇక్కడ అనుసరిస్తున్న విధానంను ఒక ‘తియ్యని ప్రతీకారం’గా అభివర్ణిస్తారు. ఎందుకంటే వారు ఇప్పటి వరకూ ఎన్నో బాధలు పడ్డారు. ప్రతి కుటుంబంలోని మహిళలు చేదు అనుభవాలను ఎదుర్కొన్నారు. ప్రతి చోటా పురుషుల ఆధిపత్యమే. మహిళలకు ఎలాంటి హక్కులు లేవు. వారిని తమ లైంగిక కోరికను తీర్చడానికి, పిల్లల్ని కనడానికి మాత్రమే ఉపయోగించేవారు. ఈ కెన్యా మహిళలు బ్రిటిష్ సైనికులచే ఎన్నో లైంగిక వేధింపులకు గురయ్యారు. ఈ వేధింపులకు గురైన మహిళలను తరువాత భర్తలు విడిచిపెట్టేవారు. దీంతో చాలా మంది ఇళ్లను వదిలి వీధిన పడేవారు. ఇక్కడ మీరు తెలుసుకున్న మహిళలు ఉత్తర కెన్యాలోని సంబురు వర్గానికి చెందిన వారు. భర్తల వద్ద కూడా రక్షణ లేక అకృత్యాలకు గురైన వారంతా కలిసి ఇప్పుడు ఒక కొత్త ప్రపంచాన్ని నిర్మించుకున్నారు. దాని పేరే ఉమోజా గ్రామం. ముఖ్యమైన విషయం ఏమిటంటే ఇక్కడ పురుషులకు నివసించేందుకు అనుమతి లేదు. కానీ మహిళలకు పుట్టిన పిల్లలు మాత్రం ఒక వయసు వచ్చే వరకు ఇక్కడ ఉండవచ్చు. అయితే పురుషులు లేని ఈ గ్రామంలో మహిళలు గర్భవతులు ఎలా అవుతున్నారు? ఉమోజా గ్రామం విశేషాలు ఏమిటి? ఇప్పుడు తెలుసుకుందాం.సంబురు మహిళల హింసకు సుదీర్ఘ చరిత్ర ఉంది. గృహాల నుండి వివిధ వర్గాల నుండి వారు హింసను ఎదుర్కొనేవారు. గ్రామాల్లో పురుషుల ఆధిపత్యం స్పష్టంగా కనిపించేది. భూమిని సంపాదించడానికి, ఇతర ముఖ్యమైన వస్తువులను సమకూర్చుకోవడానికి వారికి హక్కు లేదు. వారు భర్తలకు సంతానోత్పత్తి చేసే యంత్రాలుగా పరిగణింపబడేవారు. 1990ల ప్రారంభంలో ఈ ప్రాంత మహిళలు బ్రిటిష్ సైనికుల దారుణమైన లైంగిక వేధింపులకు గురయ్యారు. కెన్యా మహిళలకు సంబంధించి 600కు పైగా అత్యాచారం కేసులు నమోదయ్యాయి. దీంతో భర్తలు వారిని మరింత హింసకు గురి చేయడం, ఇళ్ల నుండి బయటకు పంపడంతో మహిళలు అనేక ఇబ్బందులను ఎదుర్కొన్నారు.

నికిషా పటేల్ అందాలు చూస్తే సెగలు పుట్టాల్సిందే

మహిళల కోసం మహిళలే నిర్మించుకున్న ప్రత్యేకమైన గ్రామం ఉమోజా. మహిళలంతా ఇళ్ల నుండి గెంటి వేయబడుతూ, అవమానాలను ఎదుర్కొన్నపుడు రెబెకా అనే మహిళకు ఈ ఆలోచన పుట్టుకొచ్చింది. ఆమె నాయకత్వంలో అకృత్యాలను ఎదుర్కొన్న మహిళలంతా కలిసి అనేక విప్లవాలను తీసుకువచ్చారు. పురుషులు ఆక్రమించిన అనేక భూములను తిరిగి తీసుకున్నారు. తమకంటూ ఒక గ్రామాన్ని నిర్మించుకున్నారు. వ్యవసాయం ద్వారా కూరగాయలను ఉత్పత్తి చేయడం, వివిధ రకాల ఆభరణాల తయారీ, వాటిని అమ్మడం ద్వారా జీవనోపాధి సృష్టించుకున్నారు.ఉమోజా కెన్యాలో ఒక గ్రామం. 1990లో స్థాపించబడిన ఈ గ్రామం రాజధాని నైరోబి నుండి 380 కిలోమీటర్ల దూరంలో ఉన్న సంబురు కౌంటీలోని ఆర్చర్స్ పోస్ట్ పట్టణానికి సమీపంలో ఉంది. ఎవరూ కోరుకుని ప్రాంతాల్లో వారు చిన్న గుడిసెలు నిర్మించారు. ఈ గుడిసెలు మట్టి మరియు పేడతో చేయబడ్డాయి. గుడిసెల చుట్టూ ముళ్ల కంచెలు కూడా ఉంటాయి. బయట వారి వల్ల ఏర్పడే ప్రమాదాల నుండి రక్షించుకోవడానికి వీటిని ఏర్పాటు చేసుకుంటారు. సంబురు మహిళలు పేదరికం, అణచివేత నుండి బయటపడే ప్రయత్నం చేస్తున్నారు. ఇళ్ల నుండి గెంటివేయబడ్డ మహిళలకు, అనాధలకు, అత్యాచారాలకు గురైన వారికి, భర్త లేని ఒంటరి మహిళలకు ఈ గ్రామంలో స్థానం కల్పించబడుతుంది.

ఉమోజా గ్రామంలో పురుషులకు ప్రవేశం లేదని అనుకోకండి. పురుషులు ఇక్కడ ప్రవేశించవచ్చు. కానీ అక్కడ నివసించడానికి మాత్రం అనుమతి లేదు. కానీ కొందరికి ఇక్కడ ఉండడానికి అనుమతి ఉంది. అది కూడా ఉమోజాలో జన్మించిన మగ పిల్లలు మాత్రమే. వీరు 18 ఏళ్ల వయస్సు వచ్చే వరకూ గ్రామంలో ఉండవచ్చు. తరువాత గ్రామం విడిచి వెళ్లాల్సి ఉంటుంది. 2005లో ఉమోజాలో 30 మంది మహిళలు, 50 మంది పిల్లలు ఉండేవారు. ప్రస్తుతం 50 వరకూ మహిళలు, 200కు పైగా పిల్లలు నివసిస్తున్నారు.ఉమోజాలో మహిళల ప్రధాన జీవనోపాధి హస్తకళల అమ్మకం. వారు ఉమోజా వాసో మహిళా సాంస్కృతిక కేంద్రంలో హస్తకళలను విక్రయిస్తారు.

మీరు మరెక్కడా చూడని విభిన్నమైన హస్తకళ వస్తువులను ఇక్కడ చూడవచ్చు. విదేశాల నుండి వచ్చే ప్రజలు ఇక్కడ నుండి వస్తువులను కొనుగోలు చేయవచ్చు. ఇది వారి ప్రధాన ఆదాయ వనరు. స్థానికంగా తయారు చేసిన బీరు కూడా ఇక్కడ పొందవచ్చు. ఆన్ లైన్ లో వీరి తయారు చేసిన పదార్ధాలను కొనుగోలు చేసే అవకాశం కూడా ఉంది. ఈ గ్రామంలో నివసించే మహిళలంతా వారి ఆదాయంలో 10 శాతం పన్ను చెల్లించాల్సి ఉంటుంది. వీటిని గ్రామంలో పిల్లల కోసం విద్యా సంస్థలను నడిపేందుకు వినియోగిస్తారు.

Content above bottom navigation