ప్రియుడి సుఖం కోసం అర్ధరాత్రి భర్తని ఏం చేసిందో తెలిస్తే షాక్

152

వ్యక్తిని దారుణంగా హత్య చేసి పెట్రోల్‌ పోసి నిప్పంటించిన మిస్టరీని నెల్లూరు పోలీసులు ఛేదించారు. పెట్రోల్‌తో శవాన్ని కాల్చివేయడంతో కనీస క్లూ కూడా దొరకని కేసు మిస్టరీ ఎట్టకేలకు వీడింది. భార్యే ప్రియుడితో కలిసి భర్తను దారుణంగా హత్య చేయించినట్లు గుర్తించారు. వేదాయపాళెం పరిధిలోని కొత్తూరు ఫైరింగ్‌ రేంజ్‌ ప్రాంతంలో కాలిపోయిన స్థితిలో మృతదేహం ఉందని వీఆర్వో ఇచ్చిన ఫిర్యాదు మేరకు పోలీసులు సంఘటన స్థలానికి చేరుకుని పరిశీలించారు. ఆ హత్య జరిగి అప్పటికే పది రోజులు అయి ఉండొచ్చని అంచనా వేసిన పోలీసులు క్లూస్ కోసం క్రైమ్ స్పాట్‌ను క్షుణ్ణంగా పరిశీలించారు. ఎలాంటి ఆధారాలు లభించకపోవడంతో సమీపంలోని సీసీటీవీ ఫుటేజీలు, సెల్‌ఫోన్ టవర్ పరిధిలోని కాల్ డేటాను విశ్లేషించారు. అయినా ఎలాంటి క్లూ దొరక్కపోవడంతో తలలుపట్టుకున్నారు పోలీసులు. చివరికి మృతుడి తండ్రి తన కొడుకు కనిపించడం లేదంటూ మిస్సింగ్ కంప్లైంట్ ఇవ్వడంతో కోడలి బాగోతం బయటపడింది. ప్రియుడితో కలసి ఆమే దారుణంగా హత్య చేసినట్లు తేలింది.

పొట్టచేతబట్టుకుని వలస వచ్చిన కుటుంబంలో అక్రమ సంబంధం చిచ్చుపెట్టింది. కట్టుకున్న భర్తను ప్రియుడితో కలసి భార్య అత్యంత కిరాతకంగా హత్య చేయించిన ఘటన నెల్లూరు జిల్లాలో వెలుగుచూసింది. శ్రీకాకుళం జిల్లా లక్ష్మీనరసుపేట మండలం యాంబరం గ్రామానికి చెందిన సూర్యనారాయణ(42), భద్రమ్మ దంపతులు. వారికి ఇద్దరు కుమార్తెలు సంతానం. పెద్ద కుమార్తెకు వివాహం జరిపించారు. రెండో కూతురు చదువుతకుంటోంది. సొంతూళ్లో పనుల్లేక పోవడంతో రెండేళ్ల కిందట నెల్లూరు నగరానికి వలస వచ్చారు. దంపతులిద్దరూ భవన నిర్మాణ కార్మికులుగా పనిచేస్తూ కుటుంబాన్ని పోషించుకుంటున్నారు. ఇంతలో అక్రమ సంబంధం రూపంలో ఊహించని ఉపద్రవం ముంచుకొచ్చింది.సూర్యనారాయణ భార్య భద్రమ్మకు పనులకు వెళ్తున్న సమయంలో మేస్త్రీ సుధాకర్‌తో చనువు ఏర్పడింది. అది కాస్త అక్రమ సంబంధానికి దారితీసింది. భర్త కళ్లుగప్పి భద్రమ్మ ప్రియుడు సుధాకర్‌తో రాసలీలలు సాగించేది. ఆ విషయం కొద్దికాలం తర్వాత భర్త సూర్యనారాయణకు తెలియడంతో భార్యను తీవ్రంగా హెచ్చరించాడు. పద్ధతి మార్చుకోవాలంటూ చేయి చేసుకున్నాడు. దీంతో తన అక్రమ సంబంధానికి అడ్డుగా ఉన్న భర్తను ఎలాగైనా అంతమొందించాలని భార్య పథకం పన్నింది. అదే విషయాన్ని ప్రియుడు సుధాకర్‌కి చెప్పి రెచ్చగొట్టింది. ఎలాగైనా తన భర్తను చంపేయాలని.. ఆ తరువాత తాను తిరిగొస్తానని సుధాకర్‌కి చెప్పి ఆమె ఊరెళ్లిపోయింది.

ప్రియురాలి ఆదేశాలతో రంగంలోకి దిగిన ప్రియుడు సుధాకర్ ఆమె భర్తను చంపేందుకు పక్కా ప్లాన్ రచించాడు. ఫుల్లుగా మద్యం తాగించి చంపేయాలని నిర్ణయించుకున్నాడు. ప్రియురాలు ఫోన్ చేసిన అదే రోజు సాయంత్రం సూర్యనారాయణను కలిశాడు ప్రియుడు సుధాకర్. కూలీ పనులకు వెళ్తే డబ్బు సంపాదించలేవని.. మేస్త్రీని చేస్తానని.. బాగా డబ్బులు వస్తాయని మాయమాటలు చెప్పాడు. తానే పనులు కూడా ఇప్పిస్తానని.. తనకు కమిషన్ ఇస్తే చాలని నమ్మబలికాడు. మద్యం తాగుదాం రమ్మని చెప్పి నమ్మకంగా తీసుకెళ్లాడు. మద్యం బాటిళ్లు కొనుగోలు చేసి సమీపంలోని అటవీ ప్రాంతంలోకి తీసుకెళ్లాడు.ప్లాన్ ప్రకారమే ప్రియురాలి భర్తను కొత్తూరు ఫైర్ రేంజ్ సమీపంలోని అటవీ ప్రాంతానికి తీసుకెళ్లిన సుధాకర్.. ఫుల్లుగా మద్యం తాగించాడు. అనంతరం పెద్ద బండరాయి తీసుకుని తలపై మోదాడు. గుండెల్లో కత్తితో పొడిచి అతి కిరాతకంగా హత్య చేశాడు. అనంతరం ప్రియురాలు భద్రమ్మకు ఫోన్ చేశాడు. భర్తను చంపేసిన విషయం చెప్పాడు. ఆమె వెంటనే భర్త శవాన్ని పెట్రోల్ పోసి కాల్చేయాలని.. ఎవరూ గుర్తు పట్టకుండా చేయాలని చెప్పింది. ఆమె చెప్పినట్లుగానే తన బైక్‌లో పెట్రోల్ తీసి సూర్యనారాయణ మృతదేహంపై పోసి నిప్పంటించాడు. అనంతరం అక్కడి నుంచి పరారయ్యాడు.

ఈ క్రింది వీడియో చూడండి

పూర్తిగా కాలిపోయిన స్థితిలో ఉన్న మృతదేహాన్ని గుర్తించిన కొత్తూరు ఫైర్ రేంజ్ వీఆర్వో ఫిర్యాదు చేయడంతో పోలీసులు సీన్‌లోకి ఎంటరయ్యారు. క్లూస్ కోసం క్షుణ్ణంగా పరిశీలించారు. సమీపంలోని సీసీటీవీ ఫుటేజీలు, సమీపంలోని సెల్ టవర్ పరిధిలోని కాల్ డేటాను విశ్లేషించినా ఎలాంటి క్లూ దొరక్కపోవడంతో హత్య కేసు మిస్టరీగా మారింది. అనూహ్యంగా ఓ రోజు సూర్యనారాయణ తండ్రి సన్యాసి తన కొడుకు కనిపించడం లేదంటూ వేదాయపాళెం పోలీసులను ఆశ్రయించాడు. గత నెల 12 తేదీ నుంచి ఇంటికి రాలేదని చెప్పడంతో ఆ దిశగా పోలీసులు ఆరా తీశారు.కొత్తూరు రేంజ్ పరిధిలో స్వాధీనం చేసుకున్న మృతదేహం సూర్యనారాయణదేనని తేల్చారు. హత్య కేసు నమోదు చేసుకున్న పోలీసులు దర్యాప్తు చేపట్టారు. అందులో భాగంగా భార్య భద్రమ్మను ప్రశ్నించడంతో పొంతనలేని సమాధానాలు ఇస్తుండడంతో పోలీసులకు అనుమానాలు రేగాయి. ఆ దిశగా విచారణ చేపట్టడంతో సుధాకర్‌తో అక్రమ సంబంధం నెరుపుతున్నట్లు తేలింది. భద్రమ్మను అదుపులోకి తీసుకుని తమ స్టైల్లో విచారించడంతో అసలు నిజాలు కక్కేసింది. 11 వ తేదీ సూర్యనారాయణ భార్యపై చేయిచేసుకోగా మరుసటి రోజు ప్రియుడు సుధాకర్‌కి ఫోన్ చేసి చంపేయాలని చెప్పినట్లు తేలింది. 12 వ తేదీ సాయంత్రం సుధాకర్ పక్కా ప్లాన్ ప్రకారం సూర్యనారాయణని అంతం చేసినట్లు పోలీసులు తేల్చారు.

ఈ క్రింది వీడియో చూడండి

Content above bottom navigation