ఒకే ఇంట్లో.. ఒకే రోజు.. ఐదు శవాలు.. అసలేం జరిగిందో తెలిస్తే ఇంత ఘోరమా అంటారు

ఒకే ఇంట్లో ఒకే రోజు ఐదు శవాలు కనిపించాయి. ఆ కుటుంబంలోని ఐదుగురూ శవాలై కనిపించారు. అసలేం జరిగిందో తెలుసుకోవడానికి సాక్ష్యమే లేకుండా పోయింది. చివరకు ఆ చుట్టుపక్కల వాళ్లకు దుర్వాసన వచ్చే వరకూ అక్కడ అన్ని శవాలు ఉన్నాయన్న విషయమే తెలియలేదు. స్థానికుల ఫిర్యాదుతో వచ్చిన పోలీసులకు ఈ ఐదు శవాలు మిస్టరీగా మారాయి. అయితే అది హత్యా? లేక మూకుమ్మడి ఆత్మహత్యా? మిస్టరీగా మారిన కేసును సీరియస్‌గా తీసుకున్న పోలీసులకు విచారణలో షాకింగ్ నిజాలు వెలుగులోకి వచ్చాయి.

దేశరాజధాని ఢిల్లీలోని భజన్‌పురా ప్రాంతంలోని ఓ ఇంటి నుంచి దుర్వాసన వస్తుండడంతో చుట్టుపక్కల ప్రజలు పోలీసులకు సమాచారం అందించారు. రంగంలోకి దిగిన పోలీసులు ఇంటి వద్దకు చేరుకున్నారు. తాళం వేసి ఉండడంతో తలుపులు బద్దలు కొట్టి లోపలికి ప్రవేశించారు. అంతే.. అక్కడ ఐదు మృతదేహాలు పడి ఉన్నాయి. భార్యాభర్తలతో సహా ముగ్గురు పిల్లల శవాలు కనిపించాయి. పూర్తిగా పాడైపోయిన దశలో శవాలు ఉండడంతో కుటుంబమంతా కలసి ఆత్మహత్య చేసుకున్నట్లుగా భావించారు. అయితే పోలీసు విచారణలో షాకింగ్ నిజాలు వెలుగులోకి వచ్చాయి. ఐదుగురు అనుమానాస్పదంగా మృతి చెందడంపై విచారణ చేపట్టిన పోలీసులు రోజుల వ్యవధిలోనే కేసును ఛేదించారు. చనిపోయింది బిహార్‌కి చెందిన శంభునాధ్‌ కుటుంబంగా గుర్తించిన పోలీసులు.. ఆ దిశగా విచారణ చేపట్టడంతో వాస్తవాలు వెలుగుచూశాయి. బిహార్ నుంచి వలస వచ్చిన శంభునాథ్ కుటుంబంతో సహా ఈశాన్య ఢిల్లీలోని భజన్‌పురా ప్రాంతంలో ఓ ఇంట్లో అద్దెకు ఉంటున్నాడు. ఈ రిక్షా నడుపుకుంటూ జీవిస్తున్నాడు.

Image result for delhi family 5 dead

అతనికి సమీప బంధువైన ప్రభుకి శంభునాథ్ రూ.30 వేలు అప్పుగా ఇచ్చాడు. ఆ అప్పు విషయంలో ఇటీవల కాలంలో ఇద్దరి మధ్య తరచూ గొడవలు జరుగుతున్నాయి. ఆ డబ్బులు తిరిగి ఇవ్వలేనని భావించిన ప్రభు.. అప్పు ఇచ్చిన శంభునాథ్‌ను అంతమొందించాలని నిర్ణయించుకున్నాడు. పక్కా ప్లాన్ ప్రకారం దారుణంగా చంపేశాడు. శంభునాధ్, అతని భార్య సునీత, కుమారులు శివం, సచిన్, కూతురు కవిత కోయల్‌ను అతి కిరాతకంగా ఇంట్లోనే హత్య చేసి అక్కడి నుంచి పరారయ్యాడు. శంభునాథ్ సోదరుడి ఫిర్యాదు మేరకు కేసు నమోదు చేసిన పోలీసులు ప్రభుని నిందితుడిగా గుర్తించారు. అతనిని అదుపులోకి తీసుకుని తమ స్టైల్లో విచారించడంతో నేరం ఒప్పుకున్నట్లు తెలిసింది. నిందితుడిని అరెస్టు చేయడంతో ఐదుగురి మృతదేహాల మిస్టరీ వీడింది. పిల్లలను చదివించుకుంటూ ఉన్నంతలో సంతోషంగా జీవిస్తున్న శంభునాథ్ కుటుంబం మొత్తం హత్యకు గురవడంతో తీవ్ర విషాదం నెలకొంది.

ఈ క్రింద వీడియో చూడండి: