Tuesday, July 27, 2021

పెళ్లాడిన భార్యను బంధించి పైశాచికం.. ఆఖరికి షాక్ ఇచ్చిన బాధితురాలు

Must Read

తూర్పుగోదావరి జిల్లా సీతానగరం పోలీసులు ప్రేమించి పెళ్లి చేసుకున్న భార్యను చంపాలని ప్రయత్నించిన భర్తపై కేసు నమోదు చేసి దర్యాప్తు చేపట్టారు.

తన భార్యనే బంధించి ప్రాణాలు తీయడానికి ప్రయత్నించాడో దుర్మార్గపు భర్త. కొద్ది రోజులుగా ఆమెను బంధించి చిత్రహింసలకు గురిచేస్తున్న అతడి బాగోతం బట్టబయలైంది. అత్తింటి వేధింపుల నుంచి తప్పించుకున్న ఆమె పోలీసులను ఆశ్రయించగా బుధవారం కేసు నమోదు చేశారు. ఈ ఘటన తూర్పుగోదావరి జిల్లా సీతానగరం మండలం పెదకొండేపూడిలో వెలుగుచూసింది.

నెల్లూరు జిల్లాకు చెందిన ఆశ అనే మహిళ కొన్నాళ్ల క్రితం హైదరాబాద్‌కు వెళ్లి సినీ పరిశ్రమలో పనిచేసేది. అక్కడ సీతానగరం మండలంలోని పెదకొండేపూడికి చెందిన కర్రి అభిరామ్‌ ఆమెను ప్రేమించి పెళ్లి చేసుకున్నాడు. వీరికి నాలుగేళ్ల కుమారుడు ఉన్నాడు. కొంతకాలం అభిరామ్ ఆమెను దూరం పెట్టడంతో ఇటీవల పెదకొండేపూడిలోని అత్తమామల ఇంటిముందు కొడుకుతో కలిసి నిరసన దీక్ష చేపట్టింది. పెద్దలు ఇద్దరి మధ్య రాజీ కుదర్చడంతో ఆశ అత్తింట్లోనే ఉంటోంది.

అభిరామ్ కొద్దిరోజులుగా భార్యను ఇంట్లోనే బంధించి చిత్రహింసలకు గురిచేస్తున్నాడు. ఆమెతో కాపురం చేయడం ఇష్టం లెదన్నాడు దిండుతో ముఖంపై అదిమిపట్టి ఊపిరాడకుండా చేసి హతమార్చేందుకు ప్రయత్నించాడు. ఇంట్లోని కుటుంబ సభ్యులు అతనికి సహకరించారు. వారి నుంచి తప్పించుకున్న ఆశ సీతానగర పోలీసులను ఆశ్రయించింది. దీంతో ఆమెను చికిత్స నిమిత్తం రాజమహేంద్రవరం ఆసుపత్రికి తరలించారు. బాధితురాలి ఫిర్యాదు మేరకు భర్త అభిరామ్‌తో పాటు అతడి కుటుంబ సభ్యులపై కేసు నమోదు చేశారు.

Latest News

బ్యాంకులకు 200 కోట్లు మోసం చేసిన వ్యక్తి అరెస్ట్

దేశవ్యాప్తంగా బ్యాంకులకు 200 కోట్లు టోకరా వేసిన ఒరిస్సాకు చెందిన నిందితుడు అరెస్ట్ అయ్యాడు. మైక్రో ఫైనాన్స్‌ పేరుతో వివిధ బ్యాంకులు, నాన్‌ బ్యాంకింగ్‌ ఫైనాన్స్‌...

More Articles Like This