Friday, July 30, 2021

ఇథియోపియా దేశంలో రద్దీగా ఉండే మార్కెట్‌పై జరిగిన వైమానిక దాడిలో 80 మందికిపైగా మృతి

Must Read

ఆఫ్రికా దేశం ఇథియోపియా గత ఏడు నెలలుగా అంతర్యుద్ధంతో సతమతమవుతుంది. మానవహక్కుల దేశంలో ఎక్కడ లేవు. తిరుగుబాటుదారులపై సైన్యం వైమానిక దాడులకు పాల్పడింది.

ఇథియోపియాలోని ఉత్తర టైగ్రే ప్రాంతంలోని టొగొగాలోని ఓ మార్కెట్‌పై బుధవారం జరిగిన వైమానిక దాడిలో 80 మంది మృతి చెందారు. ఈ దాడుల్లో వందలాది మంది గాయపడగా వీరిలో చిన్నారులు కూడా ఉన్నారు. ఇథియోపియా సైనికులకు, టైగ్రే పీపుల్స్ లిబరేషన్ ఫ్రంట్ (టీపీఎల్ఎఫ్) తిరుగుబాటు దళాలకు మధ్య భీకర దాడులు జరుగుతున్నాయి. ఈ క్రమంలోనే వైమానిక దాడి చోటుచేసుకుంది. రద్దీగా ఉన్న మార్కెట్‌పై విమానం నుంచి బాంబులు జారవిడవడంతో పెద్ద ఎత్తున ప్రాణనష్టం సంభవించింది.

దాడిలో గాయపడిన బాధితులకు వైద్యం అందించేందుకు వైద్య సిబ్బందిని సైనికులు అనుమతించడం లేదు. ఘటనా స్థలానికి బయలుదేరిన అంబులెన్సులను కూడా వెనక్కి పంపిస్తున్నారు. దీంతో తీవ్రంగా గాయపడిన మరికొందరు చనిపోయినట్టు తెలుస్తోంది. వీరిలో ఓ చిన్నారి కూడా ఉన్నాడు. ఈ వైమానిక దాడిని అమెరికా తీవ్రంగా ఖండించింది.

ఆఫ్రికాలోనే జనాభా పరంగా రెండో అతిపెద్ద దేశమైన ఇథియోపియాలో ఇటీవలే ఎన్నికలు జరిగాయి. అయితే, ప్రజలెవరూ ఓట్ల వేయడానికి ఆసక్తి చూపలేదు. ఫలితాలు వెలువడాల్సి ఉండగా… అంతర్యుద్ధం తారాస్థాయికి చేరింది. తాజా వైమానిక దాడుల్లో పెద్ద సంఖ్యలో టీపీఎల్ఎఫ్‌కు చెందిన నేతలు హతమైనట్టు యూఎస్ఏఐడీ చీఫ్ సమంతా పవర్ ట్వీట్ చేశారు. ఈ దాడి అత్యంత ఆందోళనకరం అని యూరోపియన్ యూనియన్ వ్యాఖ్యానించింది.

ఈ దాడిపై ఐరోపా సమాఖ్య విదేశాంగ కార్యాచరణ సేవల విభాగం ఓ ప్రకటన విడుదల చేసింది. ‘ఇది అంతర్జాతీయ మానవతా చట్టం.. మానవ హక్కులపై జరిగిన మరో భయంకర దాడి’ అని పేర్కొంది.

టిగ్రే రీజియన్‌లో తీవ్ర ఆహార కొరత నెలకుంది. ఐక్యరాజ్యసమితి అంచనాల ప్రకారం అక్కడ 3.5 లక్షల మంది ఆకలితో అలమటిస్తున్నారు. గత కొద్ది నెలలుగా ఆహారం, ఇతర ప్రాథమిక సర్వీసులు నిలిచిపోయినట్టు మానవహక్కుల సంఘాలు ఆరోపిస్తున్నాయి. బందీలుగా ఉన్నవారిని కలవడానికి అనేక మంది స్వచ్ఛంద కార్యకర్తలు ప్రయత్నిస్తున్నారు.

Latest News

బ్యాంకులకు 200 కోట్లు మోసం చేసిన వ్యక్తి అరెస్ట్

దేశవ్యాప్తంగా బ్యాంకులకు 200 కోట్లు టోకరా వేసిన ఒరిస్సాకు చెందిన నిందితుడు అరెస్ట్ అయ్యాడు. మైక్రో ఫైనాన్స్‌ పేరుతో వివిధ బ్యాంకులు, నాన్‌ బ్యాంకింగ్‌ ఫైనాన్స్‌...

More Articles Like This