చైనీయలు తినే అసహ్యకరమైన ఫుడ్స్

చైనా అంటేనే వింత తిండికి కేరాఫ్ అడ్ర‌స్
అసలు మ‌నిషిని త‌ప్ప క‌నిపించిన ప్ర‌తీ జంతువుని తినేస్తారు చైనా ప్ర‌జ‌లు
కుక్క‌ల్నిపెంచుకుంటారు, కాని ఆక‌లేస్తే అదే డిష్ అయిపోతుంది.
ఇలా అనేక‌ర‌కాల వింత ఆహ‌ర అల‌వాట్లు చైనా ప్ర‌జ‌ల‌కి ఉంటాయి.
కొత్త జంతువు మార్కెట్లోకి వ‌స్తే అది క‌చ్చితంగా రెస్టారెంట్లో న్యూ డిష్ గా డైనింగ్ కు వ‌స్తుంది.

మన ఇండియాలో చైనా ఫుడ్ అంటే.. నూడుల్స్, ప్రైడ్ రైస్ అని మాత్రమే అనుకుంటాం. కానీ, చైనాలోకి వెళ్లి ఫుడ్ ఆర్డర్ చేస్తే.. తప్పకుండా ఒకటికి రెండుసార్లు ఆలోచించాలి. లేకపోతే.. మీకు చీమల చట్నీ, పాముల ఫలావు పెట్టేస్తారు. చైనా ప్రజలు మనుషులను మినహా తమ కంటికి కనిపించే ప్రతి జీవిని తింటారు. చీమ నుంచి పాము వరకు ప్రతి ఒక్కటీ రుచితో పనిలేకుండా తినేస్తారు. కొందరైతే పచ్చి మాంసాన్ని కూడా తినేస్తారు. వీరు ఆ ఆహారాన్ని తినడానికి ఓ బలమైన కారణం ఉందట. మ‌రి డేంజర్ వంట‌కాలు చూద్దాం.

చిల్లీ రాబిట్ హెడ్.. (కుందెలు తల)
మనం ఎంతో ముద్దుగా పెంచుకొనే కుందేలను చైనా ప్రజలు ఎంతో ఇష్టంగా తింటారు. చిల్లీ చికెన్ తరహాలో.. చిల్లీ రాబిట్ హెడ్ వంటకం అక్కడ బాగా ఫేమస్. చైనాలోని సిచుహాన్ ప్రావిన్స్‌లోని చెంగ్డూలో ఇది ఎక్కువగా లభిస్తుంది.

పావురాల ఫ్రై.
గాన్సు ప్రావిన్స్‌లోని లాంజువాలో పావురాలను నూనెలో వేయించుకుని తింటారు. పావురమే కదా మనమూ ట్రై చేద్దాం అనుకోకండి. దీని టెస్టు పెద్దగా బాగోదట. అలాగే, కోడి కాళ్ల వంటకం కూడా చైనాలో బాగా ఫేమస్.

వెయ్యేళ్లు నిల్వ ఉంచిన గుడ్డు తింటారు
ఒక గుడ్డు నెల రోజులు నిల్వ ఉంటేనే బయటపడేస్తాం మనం. అలాంటిది చైనాలో వెయ్యేళ్ల నాటి గుడ్లను కూడా తినేస్తారు. దాన్ని బాగా ఉడకబెట్టి, ఉప్పు చల్లి అందిస్తారట. జెల్లీలా సాగుతూ భలే టేస్టీగా ఉంటుందని ఆహార ప్రియులు చెబుతున్నారు. ఇది జస్ట్ శాంపిల్ మాత్రమే. అసలైన భయానక ఆహారాలు చాలా ఉన్నాయి.

పంది మెదడుతో వెరైటీలు.
ఇండియాలో పంది మాంసాన్ని తింటారనే విషయం తెలిసిందే. అయితే, చైనాలో పంది మెదడును కూడా వదలరు. దానితో కూడా అనేక రకాల వంటలకాలను తయారు చేస్తారు.

తేళ్లు, జర్రులు, బొద్దింకలు..
బీజింగ్‌లోని వాంగ్‌ఫుజింగ్ రోడ్‌లో ఏర్పాటు చేసే నైట్ మార్కెట్‌లో అడుగు పెట్టాలంటే కీటకాలు భయపడిపోతాయి. ఎందుకంటే.. వాళ్లకు అక్కడ ఏ కీటకం కనిపించినా నూనెలో వేసి ఫ్రై చేసేస్తారు. తేళ్లు, బొద్దింకలు, పురుగులను దోరగా వేయించి, పుల్లలకు గుచ్చి ఇస్తారు.

తేనెటీగల ఫ్రై
చైనీయులు తేనెటీగలను కూడా వదిలిపెట్టరు. వారికి తేనె తుట్ట కంటే.. దాన్ని తయారు చేసే తేనెటీగలు అంటేనే ఇష్టం. బీజింగ్ నైట్ మార్కెట్లో వాటిని నూనెలా వేయించి స్నాక్స్‌లా అందిస్తారు.

పాములతో సూప్
పాములను చూస్తే ఒళ్లు జలదరిస్తుంది. అయితే, చైనా ప్రజలకు మాత్రం పామును చూడగానే నోరూరుతుంది. అదిగానీ చేతికి చిక్కితే.. కోసేసి నూనెలో వేపుకుని తేనేస్తారు. లేదా సూప్ తయారు చేసుకుని వేడి వేడిగా తాగేస్తారు. అంతేకాదు, వీటితో ఎన్నో రకాల వంటకాలు తయారు చేస్తారు. ఈ పాము వంటకాల కోసం ఏకంగా అక్కడ ‘స్నేక్ రెస్టారెంట్లు’ వెలిశాయి.

కుక్క మాంసం
మన దేశంలో మేకలను తిన్నట్లే.. చైనాలో కుక్కలను కోసుకుని తినేస్తారు. మటన్ తరహాలో విభిన్న వంటకాలు తయారు చేస్తారు. కాబట్టి, ఎప్పుడైనా చైనాకు వెళ్లి మటన్ ఆర్డర్ చేస్తే.. ఒకసారి ఆలోచించండి. ఇండియాలో కూడా కొన్ని రెస్టారెంట్లలో కుక్కలను మటన్‌గా అమ్మేస్తున్న వార్తలు గతంలో వచ్చాయి. కాబట్టి.. వీలైనంత వరకు ఫుడ్ స్టాళ్లలో మటన్ వంటకాలు తినకపోవడమే బెటర్.

పక్షి లాలాజలంతో సూప్
పక్షినే కాదు, పక్షి లాలాజలాన్ని కూడా చైనీయులు వదిలిపెట్టరు. పక్షి నోటి నుంచి వచ్చే లాలాజలాన్ని బాగా ఎండబెట్టి సూప్‌ తయారు చేస్తారు. దీనికి ఔషద గుణాలు ఎక్కువగా ఉంటాయని అక్కడి ప్రజల నమ్మకం. ఇది చాలా అరుదైన వంటకం. దీంతో ధర కూడా అదే స్థాయిలో ఉంటుంది.

బతికుండగానే కోతి మెదడును తింటారు
ధనవంతులు మాత్రమే దీన్ని ఎక్కువగా తింటారు. కానీ, చాలా క్రూరమైన పద్ధతిలో, కోతిని చిత్రహింసలకు గురిచేసి ఆకలి తీర్చుకుంటారు. బతికున్న కోతి తలను బయటకు వదిలి బోనులో పెడతారు. అనంతరం డైనింగ్ టేబుల్‌ కింద ఆ బోను ఉంచుతారు. టేబుల్‌కు ఉండే రంథ్రం నుంచి కోతి తలను బయటకు పెడతారు. కోతి పుర్రెను పగలకొడతారు. అది ఆర్తనాదాలు చేస్తుంటే.. దాని మెదడును తింటూ ఆనందిస్తారు.

ఇవ‌న్నీ చైనా మార్కెట్లలో బహిరంగంగానే అమ్ముతారు. కోతి మెదడు మాత్రం కేవలం నాలుగు గోడల మధ్యే జరుగుతుంది. ప్రస్తుతం కరోనా వైరస్‌ బారిన పడిన ఉహాన్‌లో అనధికారికంగా అనేక జంతువుల మాంసాన్నిఅమ్ముతారు. నక్కలు, ఎలుకలు, అడవి జంతువులు.. పాకేవి, ఎగిరేవి, నడిచేవి, ఈదేవీ.. ఇలా అన్నిరకాల జీవులు ఇక్కడ లభిస్తాయి. మరి, చైనీయులకు ఈ వింతైన ఆహారపు అలవాట్లు ఎలా వచ్చాయి? ఇలాంటి ఆహారాన్ని ఎందుకు తింటున్నారంటే.

చైనీయులకు వృథా అంటే ఇష్టం ఉండదు. అదే.. ఈ ఆహార అలవాట్లకు కార‌ణం అయింది. ఏదైనా ఒక జీవిని చంపినప్పుడు దాని శరీరాన్ని వృథాగా పడేయకూడదని, దాన్ని ఆహారంగా తిని కడుపు నింపుకోవాలని బౌద్ధులు నమ్మేవారని చెబుతుంటారు. ఫలితంగా చైనీయులు ఏదైనా జీవి చనిపోతే దాన్ని వెంటనే ఆహారంగా తినేవారని, అది క్రమేనా అలవాటుగా మారిందని అంటారు.

పక్షి లాలాజలం, షార్క్ చేప రెక్కలు తినడం ఆరోగ్యానికి చాలామంచిదని, ఒక్కో జంతువులో ఒక్కో ఔషదగుణం ఉంటుందని వారు న‌మ్ముతారు…షేప్ ఫర్ షేప్.. లైక్ ఫర్ లైక్ అనేది చైనీయులు విశ్వసిస్తారని, మెదడు ఆరోగ్యంగా ఉండాలంటే వేరే జంతువు మెదడును, కాళ్లు బలంగా ఉండాలంటే జంతువుల కాళ్లను తింటారట‌. చైనాలో జీవిస్తున్న 1.4 బిలియన్ ప్రజల్లో కేవలం కొద్దిమంది మాత్రమే ఇలాంటి ఆహారాన్ని తింటారు. గబ్బిలం, కోతులు కేవ‌లం ధనవంతులు మాత్రమే తింటారు. చాలామంది చైనీయులు ఆకు కూరలు, చెట్ల వేళ్లు తిని జీవిస్తుంటారు. కాబట్టి, చైనీయులంతా క్రూరమైన ఆహార ప్రియులని భావించవద్దు.. కేవ‌లం కొంత మంది మాత్ర‌మే ఇలాంటి ఆహ‌రం తింటార‌ట‌.

Content above bottom navigation