బంగారం ధర ఢమాల్ ! ధర ఎంతంటే ?

పెళ్లి, పండుగ సీజన్లో బంగారం కొనుగోలు చేయాలని భావిస్తున్నారా? అయితే మీకు గుడ్ న్యూస్. బంగారం ధర తగ్గుతూనే వస్తోంది. గత కొంత కాలంగా పెరుగుతూ వచ్చిన పసిడి ఇప్పుడు డీలా పడింది. అంతర్జాతీయ మార్కెట్లో బంగారం ధర తగ్గుదల, రూపాయి ధర తగ్గడంతో., సహా దేశీ మార్కెట్లో జువెలర్లు, కొనుగోలుదారుల నుంచి డిమాండ్ లేకపోవడంతో బంగారం ధర తగ్గిందని బులియన్ మార్కెట్ నిపుణులు చెబుతున్నారు. బంగారం బాటలోనే వెండి ధర కూడా నడిచింది.

హైదరాబాద్ మార్కెట్లో ఈ వారంలో బంగారం ధర భారీగా తగ్గింది. గత వారం ముగింపుతో పోలిస్తే రూ.1,100కు పైగానే దిగొచ్చింది. గత వారం శనివారం రోజున రూ.43,850 దగ్గర ముగిసిన 10 గ్రాముల 24 క్యారెట్ల బంగారం ధర.. ఇప్పుడు ఈ శనివారం రూ.42,670 దగ్గర క్లోజయ్యింది. అంటే పసిడి ధర రూ.1,180 పతనమైంది. అదేసమయంలో 22 క్యారెట్ల బంగారం ధర కూడా 10 గ్రాములకు రూ.40,200 నుంచి రూ.39,090కు పడిపోయింది. రూ.1,110 దిగొచ్చింది.

Image result for gold

పసిడి ధర పడిపోతే.. వెండి ధర కూడా ఇదే దారిలో నడిచింది. కేజీ వెండి ధర భారీగానే పడిపోయింది. గత వారం శనివారం రోజున రూ.48,030 వద్ద ఉన్న కేజీ వెండి ధర ఈ శనివారం రోజున రూ.40,500కు పడిపోయింది. పరిశ్రమ యూనిట్లు, నాణేపు తయారీదారుల నుంచి డిమాండ్ తగ్గడం ఇందుకు ప్రధాన కారణంగా చెప్పుకోవచ్చు.

Image result for gold

ఇక అంతర్జాతీయ మార్కెట్లో కూడా బంగారం ధర తగ్గింది. 1500 డాలర్ల సమీపానికి పడిపోయింది. గత వారం రోజుల్లో పసిడి ధర ఔన్స్కు 1535 డాలర్ల నుంచి 1500 డాలర్లకు క్షీణించింది. ఏకంగా 35 డాలర్లు దిగొచ్చింది. బంగారం ధర తగ్గితే.. వెండి ధర కూడా వేరే దారిలో నడిచింది. అయితే స్వల్పంగా తగ్గింది. వెండి ధర ఔన్స్కు 12.70 డాలర్ల నుంచి 12.66 డాలర్లకు దిగొచ్చింది.

Image result for gold

ఇకపోతే బంగారం ధరపై ప్రభావం చూపే అంశాలు చాలానే ఉన్నాయి. ద్రవ్యోల్బణం, గ్లోబల్ మార్కెట్ పసిడి ధరల్లో మార్పు, కేంద్ర బ్యాంకుల వద్ద ఉన్న బంగారం నిల్వలు, వడ్డీ రేట్లు, జువెలరీ మార్కెట్, భౌగోళిక ఉద్రిక్తతలు, వాణిజ్య యుద్ధాలు వంటి పలు అంశాలు పసిడి ధరపై ప్రభావం చూపుతాయి.

హైదరాబాద్‌ను చుట్టేసిన 69వేల మంది విదేశీ ప్రయాణికులు

జబర్దస్త్ లో రియల్ ఫైట్… కొట్టుకున్న భాస్కర్, అప్పారావు ..

కరోనా వైరస్ జీవిత కాలం ఎంత? ఎన్ని రోజులు ?

Content above bottom navigation